8377
ახმეტის პოლიციის დუისის განყოფილების თანამშრომლებმა პანკისის ხეობის სოფელ ჯოყოლოში, ღამით, მორიგეობის დროს, შველი იპოვეს. როგორც ზელიმხან გუმაშვილმა პანკისის სათემო რადიოს უთხრა, სავარაუდოდ, შველი ძაღლებს გაურბოდა. ის ღობეში გაძრომას ცდილობდა, რა დროსაც რქები დაიზიანა და სისხლი სდიოდა.
მთელი ღამის განმავლობაში შველი ზელიმხან გუმაშვილს სახლში ჰყავდა, დილით კი დაცული ტერიტორიების სააგენტოს რეინჯერების დახმარებით, ბაწარას სახელმწიფო ნაკრძალში გაუშვეს.
ნოემბრის შემდეგ ეს უკვე მეორე შემთხვევაა, როცა ჯოყოლოში გზააბნეული შველი გადაარჩინეს.
პანკისის სათემო რადიო WAY – მაუწყებლობს პანკისის ხეობაში სიხშირეზე FM 101.1. სათემო რადიო არასამთავრობო ორგანიზაცია „სამოქალაქო აქტივობების ცენტრმა“ დააფუძნა.
LIVE
