• weather cur airplane

    პანკისის ხეობის სოფელ ომალოში დაჭრილი ქალის ჯანმრთელობის მდგომარეობა მძიმეა

    პარასკევი, 09 მარტი 2018 13:34 view 3004
    პანკისის ხეობის სოფელ ომალოში დაჭრილი ქალის ჯანმრთელობის მდგომარეობა მძიმეა

    პანკისის ხეობის სოფელ ომალოში დაჭრილი 23 წლის ქალის ჯანმრთელობის მდგომარეობა მძიმეა. ის თელავის რეფერალური საავადმყოფოს რეანიმაციულ განყოფილებაშია მოთავსებული. როგორც პანკისის სათემო რადიოს საავადმყოფოს დირექტორმა, ხათუნა ჭონიაშვილმა უთხრა, პაციენტს მუცლის ღრუში შემავალი ცეცხლნასროლი ჭრილობა აქვს.

    დაჭრილის დედის თქმით, შემთხვევის დროს მისი შვილი სახლში მარტო იყო და იარაღიდან შემთხვევით გასროლის შედეგად დაიჭრა.

    „ჩემმა სიძემ იარაღის დაშლა-აწყობა ცოლსაც ასწავლა. გუშინ გოგო რვა თვის ბავშვთან ერთად სახლში მარტო იყო. ალბათ, გართობის მიზნით აიღო იარაღი და ვერ გაითვალისწინა, რომ შიგ ტყვია იდო. როგორც წესი, ტყვიით არასოდეს ინახავდნენ. დაჭრილმა ქმარს თვითონ დაურეკა, მიშველეო. ამ დროს ბიჭი თელავში იმყოფებოდა“, - ამბობს დაჭრილის დედა.

    23 წლის ქალს ახმეტის სამედიცინო ცენტრში გადაუდებელი ოპერაცია გუშინ, გვიან ღამით ჩაუტარდა, თუმცა იმის გამო, რომ მისი ჯანმრთელობის მდგომარეობა მძიმე იყო, კატასტროფის ბრიგადამ თელავის რეფერალურ საავადმყოფოში გადაიყვანა. თავდაპირველად გავრცელებული ინფორმაციით, ქალი გულ-მკერდის არეში იყო დაჭრილი.

    შინაგან საქმეთა სამინისტროს ინფორმაციით, დაჭრის ფაქტთან დაკავშირებით საგამოძიებო მოქმედებები მიმდინარეობს. მომხდარზე გამოძიება სისხლის სამართლის კოდექსის 115-ე მუხლით დაიწყო, რაც თვითმკვლელობამდე მიყვანას გულისხმობს.

    რადიო WAY

    რადიო WAY

    პანკისის სათემო რადიო WAY – მაუწყებლობს პანკისის ხეობაში სიხშირეზე FM 101.1. სათემო რადიო არასამთავრობო ორგანიზაცია „სამოქალაქო აქტივობების ცენტრმა“ დააფუძნა.

    სიახლეები

    პანკისში ტყის მცველებმა წითელ ნუსხაში შეტანილი არჩვი მოკლეს

    პანკისის ხეობაში, ხადორის ჰიდროელექტროსადგურის მიმდებარე ტერიტორიაზე, ეროვნული სატყეო სააგენტოს ტყის…

    სირიაში პანკისელების ოჯახის, მათ შორის 8 წლის ბავშვის დაღუპვა დადასტურდა

    ოჯახის წევრებმა სირიაში 34 წლის აღაზა ბორჩაშვილის, მისი მეუღლის, 36…

    ფინკა ბანკი ლარში განთავსებულ დეპოზიტებზე ყველაზე მაღალი საპროცენტო სარგებლის შეთავაზებას აგრძელებს

    ფინკა ბანკი 20 წლის იუბილესთან დაკავშირებით მომხმარებლებისთვის საინტერესო აქციების შეთავაზებას…
  • პოპულარული

  • მხარდამჭერები

     

    სათემო რადიოს მიერ გავრცელებული და ვებგვერდზე გამოქვეყნებული მასალების შინაარსი არ გამოხატავს დონორების პოზიციას. მასზე პასუხისმგებელია პანკისის სათემო რადიო WAY.

     

    კონტაქტი

    საქართველო, ახმეტა, პანკისი, დუისი.

    0 353 22 22 11

    [email protected]