„განსაკუთრებული ყურადღება დაეთმობა პოლიტიკური პარტიებისა და მაჟორიტარობის კანდიდატების საარჩევნო პროგრამებს - რამდენად არის ასახული უმცირესობებისთვის აქტუალური პრობლემები საარჩევნო სუბიექტების სამუშაო დოკუმენტებში. გადაცემებში მონაწილეობას მიიღებენ უმცირესობის, სათემო ორგანიზაციებისა და საარჩევნო სუბიექტების წარმომადგენლები. ამომრჩევლებს საშუალება ექნებათ საარჩევნო სუბიექტებს კითხვები ღია ეთერში დაუსვან“, - აღნიშნა ლუიზა მუთოშვილმა, პანკისის სათემო რადიოს პროდიუსერმა.

აღნიშნული ინიციატივა ხორციელდება პროექტის „ეთნიკური უმცირესობების ენებზე ჟურნალისტური კონტენტის გამავრცელებელი მედიების მხარდაჭერა 2020 წლის საპარლამენტო არჩევნების წინ საზოგადოებრივი სივრცის გაზრდის მიზნით“ ფარგლებში, რომელიც, თავის მხრივ, ნაწილია, USAID/ Washington Center of Excellence of Democracy, Human Rights and Governance მხარდაჭერით მიმდინარე მაშტაბური პროექტისა Enabling and Protecting Civic Space (EPCS)  Illuminating New Solutions and Programmatic Innovations for Resilient Spaces (INSPIRES), რომლის მიზანია, საზოგადოებრივი  სივრცის  შეზღუდვის დასაძლევად, ცოდნისა  და  შესაძლებლობების გაზრდა, რათა უზრუნველყოფილ იქნას მოქალაქეების  გამოხატვისა  და შეკრების თავისუფლება.

პანკისის სათემო რადიოსთან ერთად „ინტერნიუსის“ მხარდაჭერა მიიღეს ნინოწმინდის და მარნეულის სათემო რადიოებმა, ასევე, ონლაინ გამოცემა „ჯეინიუსმა“ (Jnews.ge), ტელეკომპანიამ „ტოკი“ და ახალციხის ტელეკომპანია „მეცხრე არხმა“.

პანკისის სათემო რადიო WAY პანკისის ხეობასა და მიმდებარე სოფლებში 2016 წლიდან მაუწყებლობს FM 101.1-ზე, ქართულ და ჩეჩნურ ენებზე.