რუსეთმა პატიმრობაში მყოფი ორი ამერიკელის გათავისუფლების სანაცვლოდ ზელიმხან ხანგოშვილის მკვლელობისთვის მსჯავრდებული ვადიმ კრასიკოვის გადაცემა მოითხოვა. ამის შესახებ ინფორმაციას ამერიკული ტელეკომპანია CNN ავრცელებს.

პანკისის ხეობის მაცხოვრებლებმა თბილისში, გერმანიის საელჩოსთან აქცია გამართეს ბერლინში მოკლული ზელიმხან ხანგოშვილის საქმესთან დაკავშირებით. აქციის მონაწილეები გერმანიის ხელისუფლებისგან ითხოვენ, პასუხისგებაში მისცეს ზელიმხან ხანგოშვილის მკვლელობაში მონაწილე ყველა პირი.

საქართველოს მოქალაქე ზელიმხან ხანგოშვილს, რომელიც გუშინ, 23 აგვისტოს, ბერლინში მოკლეს, გერმანიაში თავშესაფარი ჰქონდა მოთხოვნილი. მოკლულის ახლო ნათესავების ინფორმაციით, ზელიმხან ხანგოშვილი პარასკევის ლოცვაზე მეჩეთში მიდიოდა, რა დროსაც მას ველოსიპედით გამვლელმა თავში ესროლა. ხანგოშვილი ადგილზე დაიღუპა. ცხედარი პროზექტურაშია გადასვენებული. ზელიმხან ხანგოშვილი 40 წლის იყო.

პანკისის ხეობის სოფელ დუისში ადასტურებენ გვიან საღამოს გავრცელებულ ინფორმაციას, რომ გერმანიაში პანკისელი, 40 წლის ზელიმხან ხანგოშვილი მოკლეს. გერმანული საინფორმაციო საშუალებების ინფორმაციით, მკვლელობის ფაქტზე პოლიციას სავარაუდოდ ერთი პირი ჰყავს დაკავებული.