ქისტური სამართლის მიხედვით ადამიანის მკვლელობა მძიმე დანაშაულია. „მეერის“, შურისძიების ობიექტის განსაზღვრისას მხედველობაში მიიღება შემდეგი გარემოებები: თუ მკვლელი დაკავებულია სამართალდამცავი ორგანოების მიერ და სასჯელს იხდის ციხეში, ის იკავებს „მეერის“ ადგილს და თუ ის ციხეში გარდაიცვალა, მისი შეცვლა უახლოესი ნათესავით (ძმა, მამა, ბიძა, ბიძაშვილი) იკრძალება, რადგან შურისძიება უნდა მოხდეს მხოლოდ და მხოლოდ უშუალოდ მკვლელზე. დაუშვებელია მკვლელის ნათესავებზე შურისძიება.

კახეთის საინფორმაციო ცენტრი | www.ick.ge - 12 წლის წინ პანკისის ხეობაში ალხანაშვილების გვარის წარმომადგენელმა ურთიერთშელაპარაკების ნიადაგზე 40 წლის თამაზ იმედაშვილი მოკლა. მკვლელობის შემდეგ შემდეგ ორ გვარს შორის მტრობა დაიწყო. სისხლის აღების თავიდან ასაცილებლად უხუცესებმა მრავალწლიანი მოლაპარაკების შემდეგ, დაზარალებულის ოჯახი სისხლის პატიებაზე დაიყოლიეს.