• weather cur airplane

    გელა სამხარაული პანკისში ახალგაზრდებთან კიდევ ერთ დახურულ შეხვედრას გამართავს

    სამშაბათი, 14 აგვისტო 2018 15:27 view 1087
    გელა სამხარაული პანკისში ახალგაზრდებთან კიდევ ერთ დახურულ შეხვედრას გამართავს

    ახმეტა-თელავის მაჟორიტარი დეპუტატი გელა სამხარაული, პანკისის ხეობაში, დღეს, 17:00 საათზე, ახალგაზრდებთან კიდევ ერთ დახურულ შეხვედრას გამართავს. სამხარაულმა შეხვედრის ორგანიზება „ქართული ოცნების“ ადგილობრივ კოორდინატორებს დაავალა.

    „წინა შეხვედრის დროს მე მათ დავპირდი, რომ კიდევ შევხვდებოდი. კითხვები აქვთ და ამ კითხვებზე მინდა პასუხი გავცე. ვისაუბრებთ პრობლემებზე, რაც თვითონ აწუხებთ. მარტო ახალგაზრდები იქნებიან, სხვა პირების გარეშე. შეხვედრის დროს საკითხებს ვაყენებთ, მაგრამ ეს მოსაზრებები რომ რელობად იქცეს, ამისთვის საჭიროა უფრო მეტი მუშაობა.

    მინდა, რომ როგორც სხვა სოფლებში, აქაც შევქმნათ ახალგაზრდული საბჭოები, აქტიური ახალგაზრდების ჩართულობა უნდა მოხდეს. ეს ყველაფერი მუშა შეხვედრებია. შეხვედრა დახურული იქნება, მედია ვერ დაესწრება“, - უთხრა გელა სამხარაულმა პანკისის სათემო რადიოს.

    ახმეტა-თელავის მაჟორიტარმა პანკისში ახალგაზრდებთან და ადგილობრივი ხელისუფლების წარმომადგელებთან დახურული შეხვედრა 1-ელ აგვისტოსაც გამართა. გელა სამხარაულმა ჟურნალისტებს დარბაზი საუბრის დაწყებამდე დაატოვებინა და მიზეზად ადგილობრივების მოთხოვნა დაასახელა. მონაწილეთა ნაწილმა დეპუტატს მხარი დაუჭირა, ნაწილს კი გადაწყვეტილება არ გაუპროტესტებია. პანკისელებმა მაჟორიტართან ორსაათიანი დახურული შეხვედრა ისე დატოვეს, რომ პასუხი თითქმის არცერთ შეკითხვაზე მიუღიათ.

    რადიო WAY

    რადიო WAY

    პანკისის სათემო რადიო WAY – მაუწყებლობს პანკისის ხეობაში სიხშირეზე FM 101.1. სათემო რადიო არასამთავრობო ორგანიზაცია „სამოქალაქო აქტივობების ცენტრმა“ დააფუძნა.

    სიახლეები

    პანკისის სათემო რადიომ „ტოლერანტობის ქომაგის“ ჯილდო მიიღო

    საქართველოში ტოლერანტობის კულტურის განვითარებაში შეტანილი გამორჩეული წვლილისთვის, სახალხო დამცველთან არსებულმა…

    გარდაიცვალა უმარ იდიგოვი, კავკასიის ხალხთა ინტეგრაციის ფონდის პრეზიდენტი

    პანკისის სათემო რადიო WAY მწუხარებას გამოთქვამს კავკასიის ხალხთა ინტეგრაციის ფონდის…

    „ქისტების სინდისსა და ნამუსზე იყოს პანკისში ზურაბიშვილის გამარჯვება“

    „მე ვფიქრობ, პანკისი დააფიქსირებს პროტესტს. მთელ ხეობაში ძირითადად „ოცნების“ მომხრეები…
  • პოპულარული

  • მხარდამჭერები

     

    სათემო რადიოს მიერ გავრცელებული და ვებგვერდზე გამოქვეყნებული მასალების შინაარსი არ გამოხატავს დონორების პოზიციას. მასზე პასუხისმგებელია პანკისის სათემო რადიო WAY.

     

    კონტაქტი

    საქართველო, ახმეტა, პანკისი, დუისი.

    0 353 22 22 11

    [email protected]