• ფოკუსი – უშველა თუ არა შეზღუდვების შემსუბუქებამ ტურიზმს

    პარასკევი, 16 ივლისი 2021 22:18 view 5771
    ფოკუსი – უშველა თუ არა შეზღუდვების შემსუბუქებამ ტურიზმს

    შეზღუდვების შემსუბუქების, განსაკუთრებით საზღვრების გახსნის შემდეგ, საქართველოში ტურისტების ნაკადი გაიზარდა, თუმცა, ქვეყანაში იმაზე ბევრად ნაკლები ვიზიტორია, ვიდრე პანდემიის დაწყებამდე იყო. ლეილა აჭიშვილი, რომელიც სოფელ ჯოყოლოში საოჯახო სასტუმროს ფლობს, ამბობს, რომ მისი მოლოდინები არ გამართლდა და ტურისტები პრაქტიკულად არ ჰყავს, სოფელ დართლოში მცხოვრები თამარ იდოიძე კი ამბობს, რომ თუშეთში უკეთესი მდგომარეობაა და შეინიშნება უცხოელი ტურისტების მატება - ძირითადად გერმანიიდან და ისრაელიდან.

    ივნისიდან საქართველომ სახმელეთო საზღვარი გახსნა, აღდგა ფრენებიც, რამაც ტურისტებს ქვეყანაში შემოსვლა გაუმარტივა. ივლისიდან გაუქმდა ე.წ. კომენდანტის საათი, რაც მოგზაურებისთვის დამატებითი ბარიერი იყო. ტურიზმის სფეროს წარმომადგენლები ელოდნენ, რომ შეზღუდვების მოხსნა ტურისტების ნაკადს გაზრდიდა. ამასთან, ეკონომიკის მინისტრმა განაცხადა, რომ მთავრობა მოახდენდა იმ ტურისტული დაწესებულებების/ობიექტების საერთაშორისო პლატფორმებზე პოპულარიზაციას, რომელთა პერსონალი კოვიდსაწინააღმდეგო ვაქცინაციას ჩაიტარებდა.

    როგორია ტურიზმის სექტორში არსებული ვითარება? შეინიშნება თუ არა გამოცოცხლება და გამართლდა თუ არა ის მოლოდინები, რაც პანკისსა და თუშეთში არსებულ საოჯახო სასტუმროებს ჰქონდათ? რა სახის დახმარება სჭირდებათ ამ მცირე ბიზნესებს და რა გამოწვევები აქვთ მათ დღეს? როგორ აფასებს არსებულ ვითარებას USAID-ი, რომელმაც „ზრდა“ პროექტის ფარგლებში წლების განმავლობაში არაერთი პროექტი განახორციელა ტურიზმის სექტორის განვითარებისთვის?

    გადაცემის სტუმრები არიან:

    ლეილა აჭიშვილი – პანკისის ხეობის სოფელ ჯოყოლოში საოჯახო სასტუმროს მფლობელი;

    თამრო იდოიძე – თუშეთის სოფელ დართლოში საოჯახო სასტუმრო „შუნის“ მფლობელი;

    ქეთი ჭუმბურიძე – USAID-ის „ზრდა“ პროექტის ხელმძღვანელი;

    გადაცემის წამყვანია რამზან გორგიშვილი.

    სიახლეები

    ხვრელების არსებობა რუსეთს ომის გახანგრძლივებაში ეხმარება - ინტერვიუ აშშ-ის ელჩთან

    „სახიფათო ნაბიჯია ურთიერთობების ნორმალიზების მცდელობა იმ ქვეყანასთან, რომელსაც არასოდეს შეუსრულებია…

    ბაზისბანკის მხარდაჭერით, აჭარა აგროჯგუფმა ლურჯი მოცვის ბაღები გააშენა

    ბაზისბანკი, როგორც ბიზნესის ერთ-ერთი უმსხვილესი დამფინანსებელი, აგრძელებს ადგილობრივი ბიზნესის განვითარების…

    ვიბრძოლებთ, რომ საქმე გამოძიებას დაუბრუნდეს - მაჩალიკაშვილი სტრასბურგის გადაწყვეტილებაზე

    „გადაწყვეტილებით ძალიან აღფრთოვანებული თუ არა, კმაყოფილი ვარ, რადგან ის ამბობს,…
  • კონტაქტი

    • საქართველო, ახმეტა, პანკისი, დუისი.
    • 0 353 22 22 11
    • [email protected]