პანკისის ხეობაში მძიმე სოციალურ-ეკონომიკური მდგომარეობაა. ადგილზე მცირეა დასაქმების შესაძლებლობები, მაღალია უმუშევრობის დონე.

უმუშევრობა მიგრაციის ერთ-ერთი მიზეზიც ხდება: ადგილობრივები სამუშაოს საძიებლად მიდიან როგორც დედაქალაქში, ისე ქვეყნის ფარგლებს გარეთ. ოჯახების უმრავლესობას სოციალური დახმარება აქვს დანიშნული.

მას შემდეგ, რაც 2016 წელს მთავრობამ მიკრო და მცირე მეწარმეობის ხელშეწყობის სახელმწიფო პროგრამის განხორციელება დაიწყო, ხეობაში 40-მდე პროექტი დაფინანსდა. პროექტების განხორციელების შემდეგ ხეობაში სხვადასხვა სერვისი შეიქმნა და 100-ზე მეტი ადამიანი დასაქმდა.

გადაცემის სტუმარია:

შალვა ჯაფარიძე - მეწარმეობის განვითარების სააგენტოს ბიზნეს განვითარების კომპონენტის მენეჯერი;

გადაცემას უძღვება ნაზი დაქიშვილი.

გადაცემა მომზადებულია პროექტის „საქართველოს მედიის ხელშეწყობა საქართველოში მიმდინარე რეფორმების დღის წესრიგის კომუნიკაციაში“ (M-GRA) ფარგლებში. M-GRA პროექტი, რომელსაც IREX ახორციელებს, დაფინანსებულია კარგი მმართველობის ფონდის მიერ, ბრიტანეთის საელჩო, თბილისი. გადაცემის შინაარსი მთლიანად მისი ავტორის პასუხისმგებლობაა და არავითარ შემთხვევაში არ შეიძლება განიხილოს როგორც IREX-ისა და დიდი ბრიტანეთისა და ჩრდილოეთ ირლანდიის გაერთიანებული სამეფოს საელჩოს პოზიციის გამოხატულება.