„პანკისის სახალხო კრება“ განცხადებას ავრცელებს სათემო რადიოს ეთერში, გადაცემაში „მე და სახელმწიფო“ ერთ-ერთი რესპონდენტის მიერ გავრცელებულ ინფორმაციასთან დაკავშირებით, რომლის თანახმადაც „სახალხო კრების“ მიზანი იყო პანკისის გაერთიანება შარიათის გარშემო“.

„ახალგაზრდების საინიციატივო ჯგუფში ვართ ბევრნი და არ იფიქროთ, რომ ყველა ერთხმად ვეთანხმებით ხოლმე საკითხებს. გვაქვს განსხვავებული აზრი, მათ შორის მეც, ძალიან ბევრ საკითხზე. ალტერნატიულ კრებაზეც მქონდა განსხვავებული აზრი და ვამბობდი, რომ ალტერნატიული კრების მიზანი და იდეა იყო, ხეობის მოსახლეობის გაერთიანება შარიათის კანონის გარშემო. ამას არ ვიზიარებდი და ამას ვამბობდი“, - აღნიშნა სამოქალაქო აქტივისტმა ლუიზა მუთოშვილმა პანკისის სათემო რადიო WAY-ს გადაცემაში „მე და სახელმწიფო“.

გადაცემაში, პანკისში, 21 აპრილს, სამართალდამცავებსა და ადგილობრივ მცხოვრებლებს შორის მომხდარ შეტაკებაზე ვსაუბრობთ. შინაგან საქმეთა სამინისტროს მონაცემებით, 55 ადამიანი დაშავდა - 38 პოლიციელი და 17 მოქალაქე. სინამდვილეში, ბევრად მეტი ადგილობრივი დაშავდა. ჭრილობებს ისინი სახლის პირობებში იშუშებდნენ და სამედიცინო დაწესებულებებისთვის არ მიუმართავთ.

პანკისის ხეობის სოფელ დუისში იურიდიული დახმარების სამსახურის საკონსულტაციო ცენტრი გაიხსნა. იურიდიული დახმარების სამსახური უფასო სამართლებრივი დახმარების გამწევი სახელმწიფო ორგანიზაციაა.

რა გავლენა იქონია პანკისში ტურიზმის განვითარებაზე, ხეობაში, 2019 წლის 21 აპრილს, ადგილობრივებსა და სამართალდამცავებს შორის მომხდარმა დაპირისპირებამ? რატომ გააუქმეს ტურისტებმა ჯავშანი პანკისის საოჯახო სასტუმროებში? რატომ შეატოვა სახელმწიფომ შეტაკების შემდეგ ჩავარდნის საფრთხის წინაშე მყოფი ტურისტული სეზონი საოჯახო სასტუმროების მეპატრონეებს? რა მხარდაჭერა სჭირდებათ ადგილობრივებს, რომლებიც ტურისტულ ბიზნესში ერთი ან ორი წლის წინ ჩაერთვნენ და განვითარებისთვის ბანკიდან სესხიც აქვთ აღებული? რა როლი აქვს მედიას პანკისში სიტუაციის შესაცვლელად? რას ფიქრობენ პანკისელი მეწარმეები ხეობაში სტუმრებისთვის ჩაცმულობასთან დაკავშირებით შექმნილ პრობლემებზე ადათ-წესებზე მითითებით?

ქვემო და ზემო ხალაწნების დამაკავშირებელი 3.5 კილომეტრიანი გზის სრული რეაბილიტაცია, რაზედაც 1 მილიონ ლარზე მეტი დაიხარჯება; 220 ათასი ლარი ომალოს მრავალფუნქციური კულტურის სახლის რეაბილიტაციისთვის; ცხენოსნობის განვითარების მიზნით მცირე ზომის იპოდრომის მოწყობა; საბავშვო ბაღებისა და სკოლების რეაბილიტაცია - გადაცემაში ვსაუბრობთ 2019-2020 წლებში ხეობაში განსახორციელებელ პროექტებზე.

რა პრობლემებია პანკისში სამოქალაქო ინტეგრაციის კუთხით? გაზრდილია თუ არა გაუცხოება პანკისის მცხოვრებლების მხრიდან და პირიქით, პანკისის მიმართ? რა უწყობს ხელს გაუცხოებას? რა შესაძლებლობები გვაქვს ამ პრობლემების გადასაწყვეტად და უფრო ეფექტიანად როგორ შეიძლება დაიხარჯოს საბიუჯეტო რესურსები? რა გავლენა იქონია მთის კანონმა პანკისის ხეობაზე, რომელსაც მთავრობამ მაღალმთიანი დასახლების სტატუსი მიანიჭა? რა როლი აქვს პანკისის ხეობაში პრობლემების გადაწყვეტის და სამოქალაქო ინტეგრაციის ხელშეწყობის პროცესში ადგილობრივ თვითმმართველობას და რას ურჩევენ მუნიციპალიტეტის მერიას და საკრებულოს?

„ჩვენ მას პანკისის სიცოცხლის გზა დავარქვით, რადგანაც ეს იქნებოდა პანკისისთვის ახალი სიცოცხლის გახსნა. ჩიხურ მდგომარეობაში მყოფი ხეობისთვის, რომელზეც უკანასკნელ პერიოდში ძალიან ბევრს საუბრობენ, რომ უამრავი პრობლემაა. ამ პროექტის ჩავარდნა არის უდიდესი დარტყმა პანკისის ხეობის მოსახლეობისთვის, რადგანაც განვითარების, პროგრესის ყველანაირი პერსპექტივა შეჩერებულ იქნა. პროექტის ჩავარდნის მესვეურებს მინდა ვუთხრა, რომ მათ ფაქტობრივად გაწირეს ქისტი მოსახლეობა“, - განაცხადა პანკისის უხუცესთა კავშირის წევრმა, ისტორიკოსმა ზაურ გუმაშვილმა პანკისის სათემო რადიო WAY-ს ეთერში, გადაცემაში „მე და სახელმწიფო“.

რა მდგომარეობაა პანკისის ხეობაში სპორტზე ხელმისაწვდომობის კუთხით? ხეობის 12 სოფლიდან არცერთში არ არის მოწყობილი სპორტული მოედანი, არადა, პანკისელი ბავშვებისა და ახალგაზრდების დიდი ნაწილი ფეხბურთითაა გატაცებული. წინა წლებში სპორტის სამინისტრომ რამდენიმე სოფელში ქუჩის ღია სავარჯიშო მოწყობილობები დაამონტაჟა. ასევე, დუისში ფუნქციონირებს ძიუდოს დარბაზი.

საქართველოს სახელმწიფო უსაფრთხოების სამსახურის ანგარიშის მიხედვით, 2018 წლისთვის, სირიასა და ერაყში, ტერორისტული ორგანიზაციების რიგებში, საქართველოს 30-მდე მოქალაქე იმყოფებოდა. პანკისის სათემო რადიოს მონაცემებით, ბოლო წლებში სირიაში საბრძოლო მოქმედებებს უკვე 32 პანკისელი ემსხვერპლა.