• weather cur airplane

    მე და სახელმწიფო - კომუნიკაციის კრიზისი პანკისის მოსახლეობასა და ხელისუფლებას შორის

    ხუთშაბათი, 27 სექტემბერი 2018 12:41 view 2825
    მე და სახელმწიფო - კომუნიკაციის კრიზისი პანკისის მოსახლეობასა და ხელისუფლებას შორის

    გადაცემაში პანკისის ხეობის მოსახლეობასა და ხელისუფლებას შორის კომუნიკაციის კრიზისზე ვსაუბრობთ.

    ეს საკითხი კიდევ უფრო აქტუალური გახდა 22 სექტემბრის შემდეგ, რაც თემირლან მაჩალიკაშვილის ოჯახის წევრებმა ხელისუფლების მიერ ორგანიზებული „პანკისობა 2018“ ჩაშალეს, ადგილობრივმა მოსახლეობამ კი პროტესტის ნიშნად ღონისძიებებში მონაწილეობაზე უარი თქვა.

    როგორც ადგილობრივ, ასევე, ცენტრალურ ხელისუფლებასა და პანკისის მოსახლეობას შორის კომუნიკაციის დეფიციტი მანამდეც შესამჩნევი იყო.

    19 წლის თემირლან მაჩალიკაშვილის მკვლელობის შემდეგ, 7 თვის განმავლობაში ხეობის მცხოვრებლები უშედეგოდ ითხოვდნენ ხელისუფლების წარმომადგენლებთან შეხვედრას და კითხვებზე პასუხის მიღებას.

    კომუნიკაციის დეფიციტი თვალსაჩინო იყო პანკისში დაგეგმილი ჰესების მშენებლობის წინააღმდეგ ადგილობრივების აქტიურობისას. ხელისუფლება უხუცესთა კავშირის რამდენიმე წევრის, რამდენიმე ახალგაზრდისა და საჯარო მოსამსახურეების ახმეტასა და თბილისში ჩაყვანით და დახურული შეხვედრებით შემოიფარგლა, რომელსაც შინაგან საქმეთა მინისტრის მოადგილე კახა საბანაძე ესწრებოდა. მოსახლეობასთან ღია დიალოგი არც ამ შემთხვევაში მომხდარა.

    რამ გამოიწვია ხელისუფლებასა და მოსახლეობას შორის კომუნიკაციის კრიზისი? რა უნდა გაკეთდეს ორივე მხრიდან კრიზისის დასაძლევად? შეიძლება თუ არა კომუნიკაციის კრიზისი, უსამართლობის განცდა, რომელიც მძაფრია თემში, გახდეს რადიკალიზააცის ხელშემწყობი, სამოქალაქო ინტეგრაციას ხელშემშლელი ფაქტორი?

    სტუდიაში გადაცემის სტუმრები არიან:

    ლუიზა მუთოშვილი - პედაგოგი, სამოქალაქო აქტივისტი;

    რამზან გორგიშვილი - სამოქალაქო აქტივისტი;

    ლეილა აჭიშვილი - პანკისის ხეობის ქალთა სათემო ორგანიზაციის თავმჯდომარე;

    ხასო ხანგოშვილი - პანკისის უხუცესთა კავშირის წევრი;

    გიორგი გობრონიძე - საერთაშორისო ურთიერთობების სპეციალისტი;

    გიორგი კობერიძე - სტრატეგიული ანალიზის ცენტრის მკვლევარი;

    ირაკლი ქადაგიშვილი - კახეთის გუბერნატორი;

    გადაცემას უძღვება – გელა მთივლიშვილი

    სიახლეები

    ხმა პანკისიდან - ჯოყოლა აჭიშვილი ► რა გახსნის ხეობას

    „თბილისში ან სხვაგან ნაცნობი რომ შეგხვდება ან ვინმე გაგიცნობს და…

    ხმა პანკისიდან - ამირან ხოლაგაშვილი ხეობის სტიგმაზე, ცხენოსნობასა და ტურიზმზე

    საუბარს პანკისის სტიგმით იწყებს - რაც მახსოვს, ხეობაზე სულ ცუდს…

    სირიაში კიდევ ერთი პანკისელი, 25 წლის ამირან ბორჩაშვილი დაიღუპა

    სირიაში საქართველოს კიდევ ერთი მოქალაქე, პანკისის ხეობის სოფელ დუმასტურის მკვიდრი,…
  • პოპულარული

  • კონტაქტი

    • საქართველო, ახმეტა, პანკისი, დუისი.
    • 0 353 22 22 11
    • [email protected]