გამოირკვა, რომ ადგილობრივი მაცხოვრებლები გოგონების გენიტალიების დასახიჩრებას „ნათლობას“ უწოდებენ. მათი ინფორმაციით, ე.წ. „წინადაცვეთის“ დროს ხდება ქალის სასქესო ორგანოს, კლიტორის მცირე ნაწილის მოკვეთა ან ჩაჭრა, სახლის პირობებში. ამას კი შესაძლოა ბევრი გართულება მოჰყვეს. ამ ფაქტების გახმაურების შემდეგ ყვარლის სოფლები სარუსო, თივი და ჩანტლისყურე მედიის, არასამთავრობო ორგანიზაციების და ხელისუფლების ყურადღების ცენტრში მოექცა. სახალხო დამცველმა ჯანდაცვის და შინაგან საქმეთა სამინისტროებისგან, ასევე პროკურატურისგან რეაგირება მოითხოვა. იუსტიციის მინისტრმა თეა წულუკიანმა კი განაცხადა, რომ ხელისუფლება უკვე მუშაობს საკანონმდებლო ცვლილებებზე და ქალთა გენიტალიების დასახიჩრება სისხლის სამართლის წესით დასჯადი გახდება.

სტუდიაში გადაცემის სტუმარია:

მაია ავაზაშვილი – ყვარლის მუნიციპალიტეტის გამგეობის ჯანმრთელობის დაცვის განყოფილების უფროსი;

სოფო ჯაფარიძე – პრემიერ–მინისტრის თანაშემწე ადამიანის უფლებების საკითხებში (ჩართვა სკაიპით).