• ცესკომ 2020 წლის საპარლამენტო არჩევნების პირველადი შედეგები გამოაქვეყნა - ყველა, 3847 უბნის მონაცემების მიხედვით „ქართულმა ოცნებამ“ 48.15% მიიღო და „ენმ - დემოკრატიულმა საქართველომ“ 27.14%. 
• თელავის, ახმეტის, ყვარლისა და ლაგოდეხის მაჟორიტარულ ოლქში მეორე ტური უნდა ჩატარდეს - „ქართული ოცნების“ კანდიდატმა 47.26% მიიღო, ხოლო „ნაციონალური მოძრაობის“ წევრმა გიორგი ბოტკოველმა 40.43%. 
• გიორგი ბოტკოველი მაჟორიტარული არჩევნების მეორე ტურში მონაწილეობის მიღებას არ აპირებს; 
• ირაკლი ქადაგიშვილი „გაასმაგებული შემართებით“ განაგრძობს მეორე ტურისთვის მზადებას და მხარდამჭერებს სრული მობილიზაციისკენ მოუწოდებს; 
• ოპოზიცია 2020 წლის საპარლამენტო არჩევნების შედეგებს არალეგიტიმურად მიიჩნევს და უკვე 6 საათია თბილისში აქციას მართავს. მათ პარლამენტთან კარვები გაშალეს; 
• „ნაციონალური მოძრაობის“ ლიდერმა ნიკა მელიამ პროკურატურის მიერ დამაგრებული ელექტრონული სამაჯური საპროტესტო აქციაზე მოიხსნა; 
• ირაკლი კობახიძე - ნიკა მელიას მიერ ელექტრონული სამაჯურის მოხსნა არა მხოლოდ სამართალდარღვევა, არამედ მძიმე პროვოკაციაა. 
• საქართველოს პრემიერ-მინისტრი გიორგი გახარია თვითიზოლაციაშია. მის თანამშრომელს კორონავირუსი დაუდგინდა. აჭარის ჯანდაცვის მინისტრს კორონავირუსი აღმოაჩნდა;
• საქართველოში აშშ-ს საელჩო განცხადება - ჩვენ, ვთხოვთ საქართველოს მოქალაქეებს, გამოიჩინონ მოთმინება დაუზრუნველყონ საარჩევნო კოდექსის იმპლემენტაცია და აღსრულება.

ახალი ამბების გამოშვებას რიზვან გორგიშვილი უძღვება.