პანკისის ხეობის 15 სოფელში მოსახლეობის ბოლო, 2014 წლის აღწერით, 6 738 ადამიანი ცხოვრობს. ხეობის მოსახლეობის 60 %-ზე მეტი სოციალურად დაუცველი და საარსებო შემწეობის მიმღებია. ხეობა მცირემიწიანია, რის გამო არ არის განვითარებული სოფლის მეურნეობა, მდინარის ორივე ნაპირას სოფლებია და დანარჩენი ტყეს, დაცულ ტერიტორიებს უკავია. პანკისს ესაზღვრება ილტოს ხეობა, სადაც ასევე მძიმეა მოსახლეობის სოციალური მდგომარეობა. ხეობის 7 სოფლიდან 2 უკვე ნასოფლარია, 5 სოფელში კი მხოლოდ 100-მდე ადამიანი ცხოვრობს. 

ლაგოდეხის დაცულ ტერიტორიებზე და ბორჯომ–ხარაგაულის ეროვნულ პარკში ირმის მყვირალობის ტურები ოქტომბრის ბოლომდე გრძელდება. მონდომებულ ადამიანს შეუძლია არა მარტო მოუსმინოს ირმის მყვირალობას, არამედ „ფოტო ნადირობაც“ მოაწყოს, რადგან ამ პერიოდში თითოეულ ხართან, რამდენიმე ფურიცაა.

ბაწარა-ბაბანეურის დაცულ ტერიტორიებზე დათვი დააფიქსირეს. რეინჯერის მიერ გადაღებულ ვიდეოს დაცული ტერიტორიების ადმინისტრაცია ავრცელებს.