ქისტი განმანათლებლისა და სასულიერო მოღვაწის მათე ალბუთაშვილის დაბადებიდან 155-ე წლისთავს, 30-31 იანვარს თბილისში ღონისძიებებით აღნიშნავენ. 30 იანვარს მწერალთა სახლში მისი ხსოვნის საღამო გაიმართება. 31 იანვარს კი მოსწავლეთა სასახლეში დაგეგმილია კონფერენცია თემაზე მათე ალბუთაშვილის შემოქმედება.

„მოაზღარ მაათ“ (მოძღვარი მათე) ასე მოიხსენიებდნენ ქისტები მათე ალბუთაშვილს - პანკისის ხეობაში სწავლა-განათლების ფუძემდებელსა და სასულიერო მოღვაწეს.

რა პირობებში მოუხდათ პირველად ეთნიკურ ქისტებს პანკისის ხეობაში კომპაქტურად ჩასახლება? რა როლი შეასრულეს მატანში მცხოვრებმა ქართველებმა „ქისტები სათარეშო ბილიკებიდან მშვიდობიან გზაზე რომ გადაეყვანათ“; როგორ აღწერს პანკისის უახლესი ისტორიის მემატიანე მათე ალბუთაშვილი ქისტების ინტეგრაციას?