რა გამოწვევების წინაშე აღმოჩნდნენ სტუდენტები და უნივერსიტეტები კორონავირუსის პანდემიის პერიოდში, რა პოლიტიკა აქვს სახელმწიფოს და რისი გაკეთებაა შესაძლებელი სტუდენტთა სოციალური დაფინანსების მხრივ – ამ თემაზე პანკისის სათემო რადიოს გადაცემაში „რადიოკაფე“ განათლების სპეციალისტმა, სიმონ ჯანაშიამ ისაუბრა.

კორონავირუსის პანდემიით გამოწვეული კრიზისის პირობებში, ერთ-ერთ ყველაზე მოწყვლად ჯგუფს სტუდენტები წარმოადგენენ. განსაკუთრებით მძიმე მდგომარეობაში არიან დაბალშემოსავლიანი სტუდენტები; ისინი, ვინც პანდემიამდე პერიოდში თავიანთი ხელფასით იხდიდნენ სწავლის საფასურსა და საცხოვრებლის ქირას. ბოლო წლის განმავლობაში სტატუსშეჩერებული სტუდენტების რაოდენობა მნიშვნელოვნად გაიზარდა. უმაღლეს სასწავლებლებში სწავლის საფასურის განახევრების მოთხოვნით მთავრობას პეტიციებით მიმართეს.

„სამოქალაქო განათლების“ მე-10 კლასის სახელმძღვანელოში, კერძოდ, მოსწავლის სამუშაო რვეულში ერთ-ერთ დავალებაში ვხვდებით ფორმულირებას: „ჩეჩნეთის მოქალაქემ ჩაიდინა საერთაშორისო დანაშაული (ტერორისტული აქტი) მშვიდობიანი მოქალაქეების საწინააღმდეგოდ. 5 წლის შემდეგ მან მოითხოვა საქართველოს მოქალაქეობა. უნდა მიენიჭოს თუ არა მას მოქალაქეობა?“.

ლექსო, ელისო და ნინი ხევისჭალადან არიან. ეს იგივე სოფელია, სადაც 11 წლის ალექსანდრე წოწკოლაური ონლაინგაკვეთილებს სახლიდან მოშორებით, ტყის პირას სახელდახელოდ აშენებული ქოხიდან ესწრება. ხევისჭალას ზედა უბანში, სადაც ლექსო, ელისო და ნინი ცხოვრობენ, ინტერნეტი საერთოდ არ იჭერს, მთის წვერზე თუ არ ახვალ! ამ ბავშვებს ქოხიც ვერ უშველის.

კაკლის ხის ძირში სახელდახელოდ აწყობილი პატარა ქოხი დგას. დასათბუნებლად კედლებზე ძველი გადასაფარებლები აუკრავთ. ქოხის შუაგულში პატარა ბიჭი ზის. ეს ალექსანდრე წოწკოლაურია, 11 წლის - ერთადერთი მოსწავლე სოფელ ხევისჭალაში. ამ ქოხიდან ის გაკვეთილებს ესწრება. ინტერნეტს მხოლოდ აქ მიაგნო. ძველ ღუმელში ცეცხლი გიზგიზებს, მაგრამ მაინც ცივა. ალექსანდრეს ფეხები ხშირად ეყინება. სიცივისგან ტუჩებიც დამსკდარი აქვს, მაგრამ ქოხი მისთვის ერთადერთი ადგილია - მხოლოდ ასე ახერხებს, რომ ონლაინსწავლების მიღმა არ დარჩეს.

კოვიდ პანდემიის გამო მეორე სემესტრია ბევრ სკოლაში სასწავლო პროცესი დისტანციურად, ონლაინ რეჟიმში მიმდინარეობს. სასკოლო განათლების სისტემა პანდემიამდეც უამრავი გამოწვევის წინაშე იდგა - იქნება ეს მასწავლებელთა შრომითი უფლებები, კომპეტენციები, სკოლის ჰიგიენურ-სანიტარული პირობები, მშობელთა დაბალი ჩართულობა თუ სხვა. ონლაინსწავლებაზე გადასვლამ ახალი პრობლემები გააჩინა, გარკვეული პრობლემები კი კიდევ უფრო გაამწვავა. განსაკუთრებით დიდი გამოწვევების წინაშე აღმოჩნდნენ რეგიონებსა და მთაში მცხოვრები მოსწავლეები, რომლებსაც არ აქვთ წვდომა ინტერნეტზე, არ გააჩნიათ კომპიუტერი და ტელეფონი. ასეთი ბავშვების რაოდენობის შესახებ ინფორმაცია ამ დრომდე არ გვაქვს.

„ქალს განათლება არ სჭირდება“; „ქალმა ქმარს, ბავშვებს, ოჯახს უნდა მოუაროს“; „თბილისში სასწავლებლად გაშვებული გოგო პატიოსანი აღარ იქნება“, – პანკისში არსებული ამ სტერეოტიპების მიუხედავად, ბოლო ორი წლის განმავლობაში უმაღლეს სასწავლებლებში ხეობიდან უფრო მეტი გოგონა ჩაირიცხა (33), ვიდრე ბიჭი (19). სულ ამ პერიოდში ხეობის მასშტაბით საშუალო სკოლა 113–მა ახალგაზრდამ დაამთავრა.

საქართველოს განათლებისა და მეცნიერების სამინისტრო, 4 ოქტომბრიდან 15 ოქტომბრის ჩათვლით, პროფესიული განათლების მიღების მსურველთა რეგისტრაციას აცხადებს. წელს პირველად, პროფესიული განათლების მიღება შესაძლებელია დამატებით სამ მუნიციპალიტეტში - ყაზბეგში, თიანეთსა და ლაგოდეხში.

საქართველოს განათლებისა და მეცნიერების სამინისტრომ 2017-2018 სასწავლო წლისთვის პირველკლასელთა რეგისტრაცია გამოაცხადა. რეგისტრაცია 3 ეტაპად განხორციელდება. პირველი ეტაპი, რომელიც სკოლებში რეგისტრაციას გულისხმობს, 10 აპრილს დაიწყება და 24 აპრილს დასრულდება.

ჩეჩნეთის პარლამენტმა განათლების შესახებ კანონში ცვლილება დაამტკიცა, რომლის მიხედვითაც, მოსწავლეებს აღმსარებლობის შესაბამისად, სკოლებში ტრადიციული რელიგიური სამოსის და ნივთების ტარების უფლება ექნებათ.