ახმეტის მუნიციპალიტეტის საკრებულომ დააკმაყოფილა ზემო და ქვემო ალვანის მოსახლეობის პეტიცია, რომელიც თუშეთში, გომეწრის ხეობაში, მდინარე ალაზანზე ხიდის აშენებას ითვალისწინებს. ხიდის მშენებლობისთვის ადგილობრივი ბიუჯეტიდან 60 ათასი ლარი გამოიყოფა.

სოფლების - ზემო და ქვემო ალვანის მოსახლეობამ თუშეთში, გომეწრის ხეობაში, მდინარე ალაზანზე ხიდის აშენების მოთხოვნით, 2017 წლის 12 იანვარს ახმეტის საკრებულოში პეტიცია წარადგინა. პეტიციას 330 ამომრჩეველი აწერს ხელს.

25 წლის გიორგი ქარსამაულს თუშეთში, სოფელ ვესტომთაში (გომეწრის ხეობა) ცხვრის ფერმა აქვს, სადაც გუდის ყველი თუშური მეთოდით გამოჰყავს. ცოტა ხნის წინ, გიორგიმ თუშური ყველის დაძველების ტექნოლოგია შექმნა.