36 წლის დათო ალხანაშვილი 22 დეკემბერს მოკლეს. ახლობლების ინფორმაციით, ის რესტორანში იმყოფებოდა, რა დროსაც დაურეკეს, გარეთ გასვლის შემდეგ კი ზურგში ესროლეს. დაჭრილი ალხანაშვილი კლინიკაში გადაიყვანეს, მაგრამ მისი გადარჩენა ვერ მოხერხდა.

ერთ-ერთი ვერსიით, „დათო პანკისკი“ შესაძლოა კანონიერი ქურდის ზაქარია კალაშოვის, იგივე „შაქრო მოლოდოის“ კლანის წევრებმა მოკლეს. თურქული მედია წერს, რომ ალხანაშვილი კანონიერი ქურდის, ტარიელ ონიანის დაჯგუფებაში იყო და 2011 წელს, „შაქრო მოლოდოის“ ნათესავზე დავით ოზმანოვზე (დათო კრასნოდარსკი) თავდასხმაში მონაწილეობდა.

დავით ალხანაშვილი 1981 წლის 19 მარტს დაიბადა. „კანონიერ ქურდად“ მისი „კურთხევა 2012 წელს, დუბაიში მოხდა. ბოლო წლებში ალხანაშვილი რუსეთში, ბელგიასა და თურქეთში ცხოვრობდა.