• weather cur horoscope

    სირიაში კიდევ ერთი პანკისელი, 25 წლის ამირან ბორჩაშვილი დაიღუპა

    სამშაბათი, 12 მარტი 2019 17:38 view 1885
    სირიაში კიდევ ერთი პანკისელი, 25 წლის ამირან ბორჩაშვილი დაიღუპა

    სირიაში საქართველოს კიდევ ერთი მოქალაქე, პანკისის ხეობის სოფელ დუმასტურის მკვიდრი, 25 წლის ამირან ბორჩაშვილი დაიღუპა. პანკისის სათემო რადიოს ინფორმაციით, ბორჩაშვილის ოჯახის წევრები სამძიმარს იღებენ.

    21 წლის ამირან ბორჩაშვილი საქართველოდან სირიაში 2015 წლის აგვისტოში წავიდა, თანასოფლელთან, ასლანბეგ ბორჩაშვილთან ერთად. ორივე ახალგაზრდა თელავის სახელმწიფო უნივერსიტეტის სტუდენტი იყო.

    საქართველოდან თურქეთის გავლით ისინი სირიაში მას შემდეგ გადავიდნენ, რაც საქართველოს სახელმწიფო უსაფრთხოების სამსახურს ტერორიზმის ხელშეწყობის ბრალდებით უკვე დაკავებული ჰყავდა სოფელ ჯოყოლოს ყოფილი იმამი აიუფ ბორჩაშვილი.

    ამირან და ასლანბეგ ბორჩაშვილები „ისლამური სახელმწიფოს“ რიგებში იბრძოდნენ. ასლანბეგ ბორჩაშვილი სირიაში 2016 წლის ივნისში დაიღუპა.

    პანკისის სათემო რადიოს მონაცემებით, სირიაში საბრძოლო მოქმედებებს უკვე 34 პანკისელი ემსხვერპლა.

    რადიო WAY

    რადიო WAY

    პანკისის სათემო რადიო WAY – მაუწყებლობს პანკისის ხეობაში სიხშირეზე FM 101.1. სათემო რადიო არასამთავრობო ორგანიზაცია „სამოქალაქო აქტივობების ცენტრმა“ დააფუძნა.

    სიახლეები

    დემოკრატიის სკოლა პანკისში საინფორმაციო შეხვედრას გამართავს

    11 სექტემბერს, ოთხშაბათს, 16:00 საათზე, სოფელ დუისში, კახეთის რეგიონული განვითარების…

    ზელიმხან ხანგოშვილის საქმის გამოძიების მოთხოვნით გერმანიის საელჩოსთან აქცია გამართეს

    პანკისის ხეობის მაცხოვრებლებმა თბილისში, გერმანიის საელჩოსთან აქცია გამართეს ბერლინში მოკლული…

    მე შეიძლება უფრო მეტი სპეცრაზმი შემეყვანა პანკისის ხეობაში - ვახტანგ გომელაური

    „21 აპრილს მე შეიძლება უფრო მეტი სპეცდანიშნულების რაზმი შემეყვანა პანკისის…
  • პოპულარული

  • კონტაქტი

    • საქართველო, ახმეტა, პანკისი, დუისი.
    • 0 353 22 22 11
    • [email protected]