პანკისის ხეობაში მოკლული ვისური მუთოშვილის ძმის, შმაგი (ასლან) მუთოშვილის საქმეზე თელავის რაიონული სასამართლოს მოსამართლე თამარ კაპანაძემ განაჩენი გამოაცხადა. მუთოშვილს ორი ან მეტი ადამიანის მკვლელობის მცდელობა არ დაუმტკიცდა, ისევე როგორც ცეცხლსასროლი იარაღის უკანონო ტარება.

პანკისის ხეობაში მოკლული ვისური მუთოშვილის ძმის, შმაგი (ასლან) მუთოშვილის სასამართლო პროცესი თელავის რაიონულ სასამართლოში 2 თებერვალს, 12 საათზე გაიმართება. მუთოშვილი არ აღიარებს წარდგენილ ბრალს - ორი ან მეტი პირის განზრახ მკვლელობის მცდელობას.

ტაჯიკი ბიზნესმენების გატაცებისა და იძულებით მათთვის ფულის გამოძალვის ბრალდებით, შინაგან საქმეთა სამინისტროს 4 პირი ჰყავს დაკავებული. მათგან 3 პანკისის ხეობის მკვიდრია - 26 წლის ბაქარ ფარეულიძე და ისლამ დუიშვილი, 22 წლის ზელიმხან აჭიშვილი. პატიმრობაში მყოფი მეოთხე პირი 20 წლის ზელიმ ბაკაევია. ახალგაზრდებისთვის წარდგენილი ბრალი სასჯელის სახით 7-დან 10 წლამდე ვადით თავისუფლების აღკვეთას ითვალისწინებს. სწორედ ბრალის შეცვლას ითხოვდნენ, რამდენიმე დღის წინ პანკისში გამართულ აქციაზე, რომელშიც ძირითადად დაკავებულების ახლობლები მონაწილეობდნენ. მათ ახმეტის მერი იოსებ ქარუმაშვილი და კახეთის ყოფილი გუბერნატორი, ამჟამად „ქართული ოცნებიდან“ მაჟორიტარობის კანდიდატი ირაკლი ქადაგიშვილი შეხვდნენ და თანადგომას დაპირდნენ.

„ჩემი შვილი ჰესების მშენებლობას ეწინააღმდეგებოდა. გვარებს შორის დაპირისპირება ჰესების გამო დაიწყო. ვისური ამის გამო მოკლა დაჯგუფებამ, ვახო ფარეულიძის იარაღით არის მოკლული. პოლიციელების თვალწინ მოკლეს. ამ ბანდას იარაღის მთელი არსენალი ჰქონდა. მანქანა დაცხრილეს, 45 ტყვია აქვს მოხვედრილი. მკვლელობამდე ჩვენი გვარის რამდენიმე წარმომადგენელს სცემეს, ვინც ჰესების მშენებლობას აპროტესტებდა. მაგათ შინაგან საქმეთა მინისტრის მოადგილე კახა საბანაძე მფარველობთ“, - აცხადებს პანკისის ხეობაში მოკლული, 37 წლის ვისური მუთოშვილის დედა, თამარ მუთოშვილი-ტოხოსაშვილი პანკისის სათემო რადიოსთან ექსკლუზიურ ინტერვიუში.

პოლიციამ პანკისის ხეობაში მოკლული ვისური მუთოშვილის ძმა, 35 წლის შმაგი (ასლან) მუთოშვილი დააკავა. მას ორი ან მეტის პირის განზრახ მკვლელობის მცდელობას და იარაღის უკანონო ტარებას ედავებიან. შმაგი მუთოშვილი დანაშაულს არ აღიარებს. ახლობლები მოკლულის ძმის დაკავებას მკვლელობაში მსჯავრდებულების ოჯახებთან შერიგებაზე უარის თქმას უკავშირებენ.

„მე იარაღი ორჯერ მაშინ ვისროლე, როდესაც ვისო მუთოშვილი იგინებოდა, იმუქრებოდა, ჩვენსკენ მოიწევდა და პოლიციელს ეჯაჯგურებოდა. იძახდა, რომ დაგვხოცავდა და როდესაც უკან მიჰქონდა ხელი, ვიფიქრე, რომ იარაღის ამოღებას აპირებდა. მე მივუახლოვდი და ახლო მანძილიდან ვესროლე. ერთხელ შესაშინებლად და საჩვენებლად, რომ იარაღში ტყვიები მქონდა. ის მაინც არ გაჩერდა. გადავწყვიტე, რომ მეორედაც მესროლა გასაჩერებლად - ფეხის მიმართულებით, ზემოდან ქვემოთ. მინდოდა მისი დაჭრა და დაზიანების მიყენება. ვერ წარმოვიდგენდი თუ ამ ჭრილობას მისი გარდაცვალება მოჰყვებოდა.

ღამის 12 საათისთვის სროლა იყო პანკისის ხეობის სოფელ დუისში. პანკისის სათემო რადიო WAY-ის ინფორმაციით, ისროლეს მურად ქავთარაშვილის მისამართით, რომელიც თბილისიდან ახალი ჩამოსული იყო და სახლში შედიოდა. სროლის შედეგად არავინ დაშავებულა. სახლში მურად ქავთარაშვილის მშობლები იმყოფებოდნენ. სახლს რამდენიმე ტყვია აქვს მოხვედრილი.