ხეობის სოფლებში მცხოვრები ახალგაზრდები სპორტული ინფრასტრუქტურის განვითარებას ითხოვენ, ახმეტის მუნიციპალიტეტის ბიუჯეტიდან კი, 2018 წელს, პანკისის ხეობის 13 სოფელში სპორტულ აქტივობებზე მხოლოდ 23 ათასი ლარი დაიხარჯა.

საქართველოს მთავრობამ გასულ წელს დაიწყო მასობრივი სპორტის განვითარებისა და ხელმისაწვდომობის სტრატეგიაზე მუშაობა, რომლის სამოქმედო გეგმასაც წელს დაამტკიცებენ.

რა არის სტრატეგიის მიზანი, რა ძირითად მიმართულებებს ითვალისწინებს დოკუმენტი და რას ველით სტრატეგიით გათვალისწინებული აქტივობების შესრულების შედეგად?

სტუდიაში გადაცემის სტუმარია:

ვასილ ლიპარტელიანი - საქართველოს განათლების, მეცნიერების, კულტურისა და სპორტის სამინისტროს ფიზიკური აღზრდისა და სპორტის განვითარების სამმართველოს უფროსი.

გადაცემაში მონაწილეობამდე, პანკისის სათემო რადიოს ორგანიზებით, ვასილ ლიპარტელიანი და ახმეტის მუნიციპალიტეტის მერის მოადგილე ზაზა მიგრიაული ქორეთში ადგილობრივ მცხოვრებლებს შეხვდნენ და სპორტზე ხელმისაწვდომობის გაზრდის მიზნით, პრობლემების გადაჭრის გზებზე ისაუბრეს.