22 მარტის ჩანაწერი (2017 წ) – მოძველებული და გაუმართავი ქსელის გამო კახეთში ელექტროენერგიით მომარაგების კუთხით ყველაზე მძიმე სიტუაცია პანკისის ხეობაშია, სადაც მოსახლეობა უშუქოდ რამდენიმე დღეც კი რჩება. ამასთან, დაბალია ძაბვა, რის გამოც საწარმოებს სრული დატვირთვით მუშაობა უჭირთ და ტექნიკაც ხშირად გამოდის მწყობრიდან. შეფერხებებით მაუწყებლობს პანკისის სათემო რადიოც.

მოძველებული და გაუმართავი ქსელის გამო კახეთში ელექტროენერგიით მომარაგების კუთხით ყველაზე მძიმე სიტუაცია პანკისის ხეობაშია, სადაც მოსახლეობა უშუქოდ რამდენიმე დღეც კი რჩება. ამასთან, დაბალია ძაბვა, რის გამოც საწარმოებს სრული დატვირთვით მუშაობა უჭირთ და ტექნიკაც ხშირად გამოდის მწყობრიდან. შეფერხებით მაუწყებლობს პანკისის სათემო რადიოც. რეპორტიორებს საღამოს გადაცემებზე მუშაობა მობილურის, მთვარის ან სანთლის შუქზე უწევთ.

მაღალმთიან დასახლებაში მცხოვრებ აბონენტებს, რომლებიც თვეში 100 კილოვატ საათ ან უფრო ნაკლებ ელექტროენერგიას მოიხმარენ, საფასურის 50 % სახელმწიფო ბიუჯეტიდან უნდა აუნაზღაურდეთ. მაღალმთიანი რეგიონების განვითარების შესახებ საქართველოს კანონით გათვალისწინებული ეს შეღავათი 2017 წლის 1-ლი იანვრიდან ამოქმედდა, თუმცა სოფელ დუისის მცხოვრებლები ამბობენ, რომ იანვარში ელექტროენერგიის შეღავათიანი ტარიფით ვერ ისარგებლეს.

პანკისის ხეობის სოფელ ბირკიანში, სავარაუდოდ ელექტროენერგიის მაღალი ძაბვის გამო, მოსახლეობას საყოფაცხოვრებო ტექნიკა მასობრივად გადაეწვა. დამწვარია მაცივრები, ტელევიზორები, სარეცხი მანქანები და სხვა ტექნიკა. შემთხვევა გუშინ დილით მოხდა. ინფორმაციას პანკისის სათემო რადიო WAY ავრცელებს.

14 სექტემბრის ჩანაწერი (2016 წ) - გადაცემის თემაა რეგიონში მოსახლეობის ელექტროენერგიით უზრუნველყოფასთან დაკავშირებული პრობლემები, „კახეთის ენერგოდისტრიბუციის“ მიერ მომხმარებელთა უფლებების დარღვევის ფაქტები და დარღვევებზე რეაგირების მექანიზმები.

სს „კახეთის ენერგოდისტრიბუციის“ ინფორმაციით, 27 აგვისტოს, 09:00-დან 14:00 საათამდე პანკისის ხეობის სოფლებს ელექტროენერგიის მიწოდება შეუწყდება.