სოფელ ჯოყოლოში მრავალფუნქციური სპორტული ცენტრის მშენებლობა და პანკისის ხეობის სოფლებიდან რაიონულ ცენტრამდე დამაკავშირებელი საზოგადოებრივი ტრანსპორტის არსებობა - ეს არის ორი ყველაზე მნიშვნელოვანი საკითხი, რომელიც პანკისის ხეობაში ახალგაზრდების სპორტული საჭიროებების ადვოკატირების პროექტის ფარგლებში ჩატარებული კვლევისას გამოიკვეთა. ორივე პრობლემის გადაწყვეტის ხელშეწყობისთვის პანკისის სათემო რადიო და უხუცესთა კავშირი ადვოკატირების კამპანიებს უახლოეს დღეებში დაიწყებენ.

ააიპ სამოქალაქო აქტივობების ცენტრი (CCA) აცხადებს ვაკანსიას პროექტის კოორდინატორის პოზიციაზე ახმეტის მუნიციპალიტეტში. სამოქალაქო აქტივობების ცენტრის ოფისი განთავსებულია პანკისის ხეობაში, სოფელ დუისში. პროექტის კოორდინატორის სამუშაო არეალი მოიცავს პანკისის ხეობას და თუშეთს.

პანკისის ხეობის სოფლებში - ჯოყოლოსა და ბირკიანში საჯარო სკოლებთან მისასვლელი გზების მოასფალტების, ასევე ჯოყოლო-დუმასტურის ხიდთან მისასვლელი გზის მშენებლობისთვის სახელმწიფო ბიუჯეტიდან 262 471 ლარი გამოიყო.

საქართველოს კულტურისა და ძეგლთა დაცვის სამინისტროს მხარდაჭერით, არასამთავრობო ორგანიზაცია „სამოქალაქო აქტივობების ცენტრი“ პანკისში ვაინახური და ქართული ფოლკლორის ფესტივალს გამართავს. ფესტივალი წელს უკვე მეორედ ჩატარდება და მასში მონაწილეობას ქისტი, ხევსური, ფშაველი, მთიული, მოხევე და თუში მომღერლები და მოცეკვავეები მიიღებენ.

არასამთავრობო ორგანიზაცია „სამოქალაქო აქტივობების ცენტრის“ აღმასრულებელმა დირექტორმა ეთერ ფანგანმა ევროპის უსაფრთხოებისა და თანამშრომლობის ორგანიზაციის (ეუთო) სამუშაო შეხვედრაში მიიღო მონაწილეობა. ღონისძიება სახელწოდებით „ახალგაზრდები და ძალადობრივი ექსტრემიზმის პრევენცია: პერსპექტივები შავი ზღვის რეგიონიდან“ 2017 წლის 1-3 თებერვალს, მოლდოვის დედაქალაქ კიშინიოვში გაიმართა.

საქართველოს პრეზიდენტის ადმინისტრაციის მხარდაჭერით, სამოქალაქო აქტივობების ცენტრის პანკისის ოფისის ბაზაზე მუშაობა განაახლა სასწავლო ცენტრმა. ცხადდება მიღება შემდეგ სასწავლო პროგრამებზე მეორე ნაკადის ფარგლებში:

ჯოყოლოს საჯარო სკოლის მე-12 კლასის მოსწავლე სულეიმან მუთოშვილი გახდა პანკისის ხეობაში სკოლების უფროსკლასელებს შორის ჩატარებული ინტელექტუალური თამაშის „რა, სად, როდის“ საუკეთესო მოაზროვნე. გამარჯვებაც ჯოყოლოს საჯარო სკოლის გუნდმა „მწვანე ქუჩის ხულიგნებმა“ მოიპოვეს.

ახალი ამბების გამოშვებას ნაზი დაქიშვილი უძღვება

არასამთავრობო ორგანიზაცია „სამოქალაქო აქტივობების ცენტრი“ პანკისის ხეობის სოფელ დუისში ფრენბურთის თანამედროვე მოედანს მოაწყობს. PH International-ის მხარდაჭერით, სამოქალაქო აქტივობების ცენტრი პანკისის სკოლების მე-9, მე-10 და მე-11 კლასების მოსწავლეთა მონაწილეობით, ახალგაზრდულ კლუბსაც ჩამოყალიბებს და ორგანიზებას გაუკეთებს საგანმანათლებლო და სპორტულ ღონისძიებებს.

„ურნების დამზადებაზე ჩვენ უკვე ტენდერი გვქონდა გამოცხადებული. რაც შეეხება მეორე საკითხს, ჯოყოლოს სტადიონის კეთილმოწყობას, ასევე, მხედველობაში მივიღეთ მოსახლეობის მიერ შემოტანილი პეტიცია და გავეცით პასუხი, რომ უახლოეს მომავალში ეს ბიუჯეტში იქნება ასახული და აუცილებლად იქნება მათი მოთხოვნა დაკმაყოფილებული“, – აცხადებს ახმეტის მუნიციპალიტეტის გამგებელი ბექა ბაიდაური პანკისის ხეობის სოფლების მოსახლეობის პეტიციებთან დაკავშირებით, რომლის განხილვაზეც თვითმმართველობამ უარი თქვა.