პანკისის ხეობაში მცხოვრებ 27 წლის ბესლან წუწაშვილს ოჯახის წევრები ორი კვირაა ეძებენ. მათი ინფორმაციით, ბესლანი 6 ივნისის საღამოს ჩეჩნეთში მეგობართან ერთად გაემგზავრა. როგორც პანკისის სათემო რადიოს წუწაშვილის ახლობლებმა უთხრეს, ის რუსეთ-საქართველოს საზღვრის გადაკვეთის შემდეგ, რუსეთის ტერიტორიაზე, დაახლოებით ღამის 2 საათზე დააკავეს.

პანკისში, დღეს დილით მომხდარ ინციდენტში, რომელიც ხეობაში ჩეჩნეთის პრეზიდენტის რამზან კადიროვის მამის ახმად კადიროვის ფოტოების გამოჩენას და კადიროვების მხარდამჭერ შეძახილებს მოჰყვა, ადგილობრივი ხელისუფლების წარმომადგენლებიც მონაწილეობდნენ.

შინაგან საქმეთა სამინისტროს განცხადებით, კონფლიქტი პანკისის ხეობის სოფელ დუისში ადგილობრივ მოსახლეობას შორის იყო. „სამართალდამცველებმა მდგომარეობა განმუხტეს და სოფელში უკვე სიმშვიდეა. სიტუაციის გართულების თავიდან აცილების მიზნით, ახმეტის პოლიციის განყოფილებაში იმყოფებოდა განსაკუთრებულ დავალებათა დეპარტამენტის ორი ჯგუფი. ამ დროისთვის გდდ-ს თანამშრომლები ახმეტაში აღარ იმყოფებიან“, - განუცხადეს პანკისის სათემო რადიოს შსს-ში.

ახმეტის მუნიციპალიტეტის სოფლებში ბირკიანსა და დუისში, დღეს, დილით მომხდარი ინციდენტის გამო შექმნილი კონფლიქტური სიტუაცია უკვე განმუხტულია და სიმშვიდეა. „ინციდენტის შედეგად არავინ დაზარალებულა, რადგან დროულად ჩავერიეთ“ - უთხრა პანკისის სათემო რადიოს სალაფიტური თემის ერთ-ერთმა ლიდერმა ვახტანგ ფარეულიძემ.

ახმეტის მუნიციპალიტეტის სოფლებში, დუისსა და ბირკიანში შინაგან საქმეთა სამინისტროს სპეციალური დანიშნულების რაზმი და დიდი რაოდენობით სამართალდამცავები არიან მობილიზებული.

პანკისის ხეობაში, მდინარე ალაზანზე მესამე ჰიდროელექტროსადგურის (ხადორი 3) მშენებლობის საკითხზე ადგილობრივ მცხოვრებლებთან წინასწარ შეთანხმებას მიაღწიეს. კომპანია „ალაზანი ენერჯის“ მესაკუთრე, ლაშა იორდანიშვილი ვალდებულებას იღებს, ჰესის სამშენებლო სამუშაოებზე, თითქმის 1 წლით, 80-100 ადგილობრივი ახალგაზრდა დაასაქმოს. უფრო მეტი ვადით, ამდენივე ახალგაზრდის დასაქმებას დაპირდნენ პანკისელ უხუცესებსა და სალაფიტური თემის ლიდერებს „სამწყურისწყალი 2 ჰესის“ სამშენებლო სამუშაოებზეც. „სამწყურისწყალი 2 ჰესი“ მეოთხე ჰიდროელექტროსადური იქნება პანკისის ხეობაში.

ბოლო 4 თვეში პანკისის ხეობის საჯარო სკოლებში მოსწავლეთა რაოდენობა მნიშვნელოვნად შემცირდა. ომალოსა და დუმასტურში სწავლა 60-მა მოსწავლემ შეწყვიტა, დუისში 35-მა, ჯოყოლოსა და ბირკიანში კი 26-მა. დირექტორების თქმით, ამის ძირითადი მიზეზი პანკისში მცხოვრები ოჯახების საზღვარგარეთ წასვლაა.

როდის და რა ცნობები ჩნდება პირველად პანკისის შესახებ ისტორიულ წყაროებში? ვინ ცხოვრობდა პანკისის ხეობაში მე-18 საუკუნემდე, ვიდრე ეს კუთხე მოსახლეობისგან დაიცლებოდა? რა სოფლები არსებობდა პანკისში?

ენერგეტიკის მინისტრის კახა კალაძის განცხადებით, პანკისის ხეობაში გაუმართავი ელექტროგადამცემი ხაზების, ბოძებისა და ტრანსფორმატორების პრობლემა უახლოეს მომავალში მოგვარდება. როგორც მინისტრმა დღეს, სოფელ საკობიანოში მოსახლეობასთან შეხვედრის დროს განაცხადა, სამუშაოები დაჩქარებული წესით, ორ კვირაში დაიწყება.

პანკისის ხეობაში სამი ჰიდროელექტროსადგურის კასკადის მშენებლობა 2017 წელს, ზაფხულის ბოლოს დაიწყება. 4,8 მეგავატი სიმძლავრის „სამყურისწყალი 1“ და 26,28 მეგავატი სიმძლავრის „სამყურისწყალი 2“ მდინარე სამყურისწყალზე აშენდება.