თბილისის სააპელაციო სასამართლომ დაღესტნელ სამოქალაქო აქტივისტს მიკაილ კადიევს ლტოლვილის სტატუსის მინიჭებაზე უარი უთხრა. სააპელაციო სასამართლოს მოსამართლეებმა ილონა თოდუამ, შოთა გეწაძემ და მირანდა ერემაძემ დააკმაყოფილეს საქართველოს განსახლებისა და ლტოლვილთა სამინისტროს საჩივარი და გააუქმეს თბილისის საქალაქო სასამართლოს 28 ივლისის გადაწყვეტილება.

საქართველოს სახალხო დამცველი უჩა ნანუაშვილი 29 აგვისტოს პანკისის ხეობაში შეხვედრებს გამართავს ლაფანყურის სპეცოპერაციის შედეგად ლიკვიდირებული ახალგაზრდების ოჯახის წევრებთან, უხუცესებთან და სალაფიტური თემის წარმომადგენლებთან.

რუსეთის პრეზიდენტმა ვლადიმერ პუტინმა პირობა დადო, რომ მხარს დაუჭერს ჩეჩნეთში გეების უფლებების შესაძლო დარღვევასთან დაკავშირებით დაწყებულ გამოძიებას და ამ საკითხზე მთავარ პროკურორსა და შინაგან საქმეთა მინისტრს დაელაპარაკება.

საქართველოს სახალხო დამცველმა საზღვრის კვეთის დროს რელიგიური ნიშნით მუსლიმთა პირდაპირი დისკრიმინაციული მოპყრობის ფაქტი დაადგინა. სახალხო დამცველის რეკომენდაციით, შინაგან საქმეთა სამინისტროს და შემოსავლების სამსახურს საბაჟო-გამშვებ პუნქტებზე რელიგიური ნეიტრალიტეტის დაცვისა და შემომსვლელ და გამსვლელ პირთა სავიზო/საბაჟო კონტროლის დისკრიმინაციის გარეშე გატარების უზრუნველყოფა დაევალათ. ამასთან, უწყებებმა რელიგიური ნეიტრალიტეტისა და თანასწორობის პრინციპების შესახებ, ცნობიერების ამაღლების მიზნით, თანამშრომლები ეტაპობრივად უნდა გადაამზადონ.