ადამიანის უფლებების სწავლებისა და მონიტორინგის ცენტრი (EMC) თემირლან მაჩალიკაშვილის სიცოცხლის ხელყოფის საქმეზე პროკურატურას მიმართავს და მოითხოვს 26 დეკემბერს სოფელ დუისში ჩატარებული დაკავების ოპერაციის კანონიერების და მისი დაგეგმვისა და განხორციელების ეტაპზე ძალის გადამეტებისა და უფლებების დარღვევის რისკების მინიმიზაციის გეგმის, ასევე თემირლან მაჩალიკაშვილისთვის აღმოჩენილი სამედიცინო დახმარების დროულობისა და ადეკვატურობის შეფასებას.

საქართველოს ლტოლვილთა სამინისტრომ დაღესტნელ სამოქალაქო აქტივისტს მიკაილ კადიევს უარი უთხრა იმ განცხადების განხილვაზე, რომლითაც ის საქართველოში თავშესაფრის მიღებას ითხოვს. კადიევს, რომლსაც რუსეთში ექსტრადიცია ემუქრება, სამინისტრომ არც თავშესაფრის მაძიებლის ცნობა მისცა.

„პანკისში ადგილობრივები ძალიან წუხან, რომ აღიქმებიან, როგორც ტერორისტები ან ტერორიზმთან კავშირში მყოფი ადამიანები“, – ამის შესახებ საქართველოს სახალხო დამცველმა პანკისში გამართული შეხვედრების შეჯამებისას განაცხადა. ნინო ლომჯარია ხეობაში ყოფნისას სპეცოპერაციის შედეგად სასიკვდილოდ დაჭრილი თემირლან მაჩალიკაშვილის ოჯახს, პედაგოგებს, ქალთა საბჭოს წევრებს, უხუცესთა კავშირისა და სალაფიტური თემის წარმომადგენლებს შეხვდა.

საქართველოს სახალხო დამცველი ნინო ლომჯარია თემირლან მაჩალიკაშვილის გარდაცვალების ფაქტს გამოეხმაურა და განაცხადა, რომ გამოიყენებს მის ხელთ არსებულ ყველა ბერკეტს, რათა დადგინდეს იყო თუ არა ახალგაზრდის გარდაცვალების მიზეზი სახელმწიფო უწყებების მიერ ძალის გადამეტება ან დაგვიანებული და არაეფექტიანი სამედიცინო დახმარება.

წარმოშობით დაღესტნელმა სამოქალაქო აქტივისტმა მიკაილ კადიევმა, ლტოლვილთა და განსახლების სამინისტროს საქართველოში თავშესაფრის მიღების თხოვნით კიდევ ერთხელ მიმართა. მიკაილ კადიევის ადვოკატის, მალხაზ პატარაიას განცხადებით, სამინისტრო კადიევისსაქმეს მესამედახალი კანონის საფუძველზე განიხილავს, რომელიც ლტოლვილის სტატუსის მინიჭების მეტ შესაძლებლობას იძლევა.