არჩევნებში 11 კანდიდატი მონაწილეობს: როსტომ ალხანაშვილი („ქართული ოცნება ‐ დემოკრატიული საქართველო“); მახამად ეიბოვი („მოძრაობა სახელმწიფო ხალხისთვის“); ანი შაიშმელაშვილი („ქრისტიან‐დემოკრატიული მოძრაობა“); ზურაბი შალოშვილი („თავისუფალი საქართველო“); შოთა თავბერიძე („საქართველო“); დარია ასლამაზიშვილი („მოძრაობა თავისუფალი საქართველოსთვის“); მარინა პატიშვილი („ახალი ქრისტიან‐დემოკრატები“); ხატია ბაღიშვილი („პოლიტიკური პლატფორმა ‐ ახალი საქართველო); გიორგი შაიშმელაშვილი („საქართველოს ძალოვან ვეტერანთა და პატრიოტთა პოლიტიკური მოძრაობა“); გელა ერაძე („ეროვნულ‐დემოკრატიული პარტია (ედპ)“; ლალი სურმავა („ქრისტიან‐კონსერვატორები“).

დილის 8 საათიდან კენჭისყრა N8 ხალაწანის და N24 ომალოს საარჩევნო უბნებზე მიმდინარეობს, სადაც, ცენტრალური საარჩევნო კომისიის მონაცემებით, 1 220 ამომრჩეველია რეგისტრირებული. ხმის მიცემა 20:00 საათამდე იქნება შესაძლებელი.

ახმეტის მუნიციპალიტეტის საკრებულოს შუალედური არჩევნები მას შემდეგ დაინიშნა, რაც მაჟორიტარ წევრს, მაგდანა ალხანაშვილს საკრებულომ უფლებამოსილება ვადამდე შეუწყვიტა. პანკისის სათემო რადიოს ინფორმაციით, 2018 წელს მაგდანა ალხანაშვილი შვედეთში წავიდა და თავშესაფარს ითხოვს.