პანკისის ხეობაში, ხადორის ჰიდროელექტროსადგურის მიმდებარე ტერიტორიაზე, ეროვნული სატყეო სააგენტოს ტყის მცველებმა, გადაშენების პირას მყოფი არჩვი მოკლეს. ბრაკონიერობის ფაქტი გარემოსდაცვითი ზედამხედველობის სამსახურის თანამშრომლებმა გამოავლინეს. ოთხი ბრაკონიერიდან სამი ტყის მცველია, მეოთხე კი ერთ-ერთი რეინჯერის შვილია. ერთ-ერთმა ბრაკონიერმა გაქცევა მოახერხა.

გარემოსდაცვითი ზედამხედველობის დეპარტამენტის კახეთის სამმართველოს თანამშრომლები, რომლებიც პანკისში, სოფელ დუისში, სამშენებლო ბლოკის საამქროს მონიტორინგის მიზნით იმყოფებოდნენ, ტერიტორიიდან გააძევეს. ადგილობრივების თქმით, ინსპექტორები ბლოკის საამქროს მეპატრონის დაჯარიმებას აპირებდნენ, მდინარე ალაზნიდან ქვიშის უნებართვოდ აღების გამო.

ახმეტის პოლიციის დუისის განყოფილების თანამშრომლებმა პანკისის ხეობის სოფელ ჯოყოლოში, ღამით, მორიგეობის დროს, შველი იპოვეს. როგორც ზელიმხან გუმაშვილმა პანკისის სათემო რადიოს უთხრა, სავარაუდოდ, შველი ძაღლებს გაურბოდა. ის ღობეში გაძრომას ცდილობდა, რა დროსაც რქები დაიზიანა და სისხლი სდიოდა.

პანკისის ხეობაში, სოფელ ჯოყოლოში შველი იპოვეს, რომელიც ბაწარის ნაკრძალში გაუშვეს. ჯოყოლოს მკვიდრის, ზელიმხან გუმაშვილის თქმით, მდინარე ალაზნის პირას შველი ძაღლებისგან გადაარჩინეს, რის შემდეგაც დაცული ტერიტორიების სააგენტოს დაუკავშირდნენ და ნაკრძალში გადაიყვანეს.

გარემოსა და ბუნებრივი რესურსების დაცვის სამინისტროს განცხადებით, გარემოს დაბინძურებაზე კონტროლი გაძლიერდება და დანაგვიანების გამოვლენის შემთხვევაში, მკაცრი სანქცია იქნება გამოყენებული. მოსახლეობის მიერ გარემოს დაბინძურების ფაქტების აღსაკვეთად გარემოსდაცვითი ზედამხედველობის დეპარტამენტის თანამშრომლები 24-საათიან პატრულირებას განახორციელებენ. დანაგვიანებისთვის კი ჯარიმა 80-დან 1 500 ლარამდე იქნება.

პრემიერ–მინისტრი გიორგი კვირიკაშვილი ადგილობრივი ხელისუფლების წარმომადგენლებს მოუწოდებს, მაქსიმალური ყურადღებით მოეკიდონ დანაგვიანების პრობლემას და განსაკუთრებით ზაფხულის ტურისტული სეზონის მოახლოების გათვალისწინებით, სასწრაფოდ მოაგვარონ.

პანკსიის ხეობაში მგლები შინაურ ცხოველებს ესხმიან თავს. როგორც დაზარალებულებმა პანკისის სათემო რადიოს უთხრეს, მტაცებლის თავდასხმის შემთხვევები თითქმის ყოველდღიურად ხდება. ისინი ადგილობრივი ხელისუფლებისგან მგლის მოკვლის ნებართვის მიღებას ითხოვენ.

პანკისის ხეობის ახალგაზრდული კლუბის წევრები გარემოსა და ბუნებრივი რესურსების დაცვის მინისტრს, გიგლა აგულაშვილს შეხვდნენ. მინისტრმა პანკისელ ახალგაზრდებს გარემოსდაცვითი ინფორმაციისა და განათლების ცენტრში უმასპინძლა.

21 თებერვლის ჩანაწერი (2017 წ) – რა მეთოდებით არის აკრძალული ნადირობა? როდის არის დაშვებული ნადირობა გადამფრენ ფრინველებზე? რომელ ადგილებშია აკრძალული ნადირობა? რა დოკუმენტებია საჭირო ნადირობისთვის? რას შეადგენს ზიანის ოდენობა გარეული ცხოველის მოკვლის შემთხვევაში სახეობების მიხედვით? ცხოველთა რომელი სახეობებია შეტანილი „წითელ ნუსხაში“? როგორ ისჯება უკანონო ნადირობა?

პანკისის ხეობაში მგლები შინაურ ცხოველებს თავს ხშირად ესხმიან. ბოლოს ასეთი შემთხვევა რამდენიმე დღის წინ მოხდა, როდესაც მტაცებლებმა 21 სული ცხვარი სოფელ ხალაწანში გაანადგურეს.