23 თებერვალს, საბჭოთა რეჟიმის მიერ ჩეჩენი და ინგუში ხალხის დეპორტაციის დღეს, თბილისში, ფოლკლორის სახელმწიფო ცენტრში, ხსოვნის საღამო გაიმართება. ღონისძიება, რომელსაც ფოლკლორისტები ამირან არაბული და ეთერ თათარაიძე გაუძღვებიან, 15:00 საათზე დაიწყება.

ჯგუფურად ჩადენილი ქურდობისთვის ბრალდებულ ივანე (მამუკა) ხალხელაურს, რომლის საქმეც თელავის სასამართლოს წარმოებაშია, ახმეტის მერიაში სამსახური პერსონალურად შეუქმნეს, ყოველთვიური ხელფასი კი 1500 ლარით განუსაზღვრეს. „რეგინფოს“ ინფორმაციით, ივანე ხალხელაური ახმეტის მუნიციპალიტეტის მერიაში სახელმწიფო უსაფრთხოების სამსახურის „ოდეერი“ იქნება.

2018 წელს, ჩეჩნეთის რესპუბლიკის დედაქალაქ გროზნოდან თბილისის მიმართულებით პირდაპირი ფრენები დაიწყება, - ამის შესახებ გროზნოს აეროპორტის დირექტორმა სულთან გამბულატოვმა რუსეთის სახელმწიფო საინფორმაციო სააგენტოს განუცხადა.

პანკისის ხეობაში 26 დეკემბერს ჩატარებული სპეცოპერაციის შედეგად გარდაცვლილი თემირლან მაჩალიკაშვილის საძინებელი ოთახი, სადაც 19 წლის ახალგაზრდა სასიკვდილოდ დაჭრეს, ექსპერტ-კრიმინალისტებმა და გამომძიებლებმა დამატებით დაათვალიერეს. მაჩალიკაშვილების ოჯახის ადვოკატის, მარიამ კუბლაშვილის განცხადებით, დაცვის მხარე დარწმუნდა, რომ თემირლან მაჩალიკაშვილის მისამართით ორჯერ არ უსვრიათ.

16 თებერვალს, საქართველოს მწერალთა სახლში, პოეტ მიხეილ ღანიშაშვილის, იგივე „ილტოსპირელის“ ახალი წიგნის - „ყველაზე დიდი გული“ პრეზენტაცია გაიმართება. წიგნი პოეტის პირველი პროზაული კრებულია, რომელიც მკითხველთა ფინანსური შემოწირულობით 2017 წელს დაიბეჭდა. ღონისძიება 18:30 საათზე დაიწყება.

20 თებერვალს, 15:00 საათზე, ახმეტის მუნიციპალიტეტის მერიის შენობაში, სნო-ჯუთა-როშკა-შატილი-ომალო-ხადორის ხეობა-ბაწარა-ახმეტის საავტომობილო გზების მშენებლობა-რეკონსტრუქციის პროექტის ერთი ნაწილის საჯარო განხილვა გაიმართება.