ადამიანის უფლებების სწავლებისა და მონიტორინგის ცენტრი (EMC) თემირლან მაჩალიკაშვილის სიცოცხლის ხელყოფის საქმეზე პროკურატურას მიმართავს და მოითხოვს 26 დეკემბერს სოფელ დუისში ჩატარებული დაკავების ოპერაციის კანონიერების და მისი დაგეგმვისა და განხორციელების ეტაპზე ძალის გადამეტებისა და უფლებების დარღვევის რისკების მინიმიზაციის გეგმის, ასევე თემირლან მაჩალიკაშვილისთვის აღმოჩენილი სამედიცინო დახმარების დროულობისა და ადეკვატურობის შეფასებას.

საქართველოს ლტოლვილთა სამინისტრომ დაღესტნელ სამოქალაქო აქტივისტს მიკაილ კადიევს უარი უთხრა იმ განცხადების განხილვაზე, რომლითაც ის საქართველოში თავშესაფრის მიღებას ითხოვს. კადიევს, რომლსაც რუსეთში ექსტრადიცია ემუქრება, სამინისტრომ არც თავშესაფრის მაძიებლის ცნობა მისცა.

წარმოშობით პანკისელი მურად მარგოშვილი, რომელიც ასევე ცნობილია როგორც მუსლიმ ალ-შიშანი, თურქეთის ხელისუფლების მიერ სირიის ქალაქ აფრინში ქურთების წინააღმდეგ დაწყებულ სპეცოპერაციაში „ზეთისხილის რტო“ მიიღებს მონაწილეობას.

„ნაციონალური მოძრაობა“ ახმეტის მუნიციპალიტეტის საკრებულოში „ქართული ოცნების“ ორი ფრაქციის შექმნას სასამართლოში გაასაჩივრებს. როგორც „ნაციონალური მოძრაობიდან“ საკრებულოს წევრმა შაქრო ტერტერაშვილმა განაცხადა, ფრაქციები „ქართული ოცნება -კონსერვატორები“ და „ქართული ოცნება - მრეწველები“ საკრებულომ კანონის დარღვევით დაარეგისტრირა.

ქისტი განმანათლებლისა და სასულიერო მოღვაწის მათე ალბუთაშვილის დაბადებიდან 155-ე წლისთავს, 30-31 იანვარს თბილისში ღონისძიებებით აღნიშნავენ. 30 იანვარს მწერალთა სახლში მისი ხსოვნის საღამო გაიმართება. 31 იანვარს კი მოსწავლეთა სასახლეში დაგეგმილია კონფერენცია თემაზე მათე ალბუთაშვილის შემოქმედება.