„კახეთის რეგიონალური განვითარების ფონდის“ აღმასრულებელი დირექტორი იზა ბექაური კორონავირუსის საწინააღმდეგო „ასტრაზენეკას“ ვაქცინით აიცრა. რატომ მიიღო ეს გადაწყვეტილება და როგორ მიმდინარეობს აცრის შემდგომი პერიოდი – ამის შესახებ მან პანკისის სათემო რადიოს გადაცემაში ისაუბრა.

კორონავირუსის საწინააღმდეგოდ აცრის გაკეთება კახეთის რვა მუნიციპალიტეტიდან შვიდში არის შესაძლებელი. გამონაკლისი ახმეტაა. დაავადებათა კონტროლის ეროვნული ცენტრის რეგიონული განყოფილების მონაცემებით, კახეთში 2674-ზე მეტი ადამიანია ვაქცინირებული.

როგორ ჩაიარა წლევანდელმა ტურისტულმა სეზონმა თუშეთში, პანკისისა და ილტოს ხეობებში? რა გავლენა იქონია კოვიდ-პანდემიამ საოჯახო სასტუმროების ბიზნესზე? რა სახის მხარდაჭერა სჭირდებათ საოჯახო სასტუმროების მეპატრონეებს, რაში ხედავენ გამოსავალს და რა მოლოდინები აქვთ მომავალ სეზონთან დაკავშირებით?

პანკისის ხეობაში, დუისის და ჯოყოლოს საგანმანათლებლო ცენტრებმა 2019 წლის იანვრიდან, დაფინანსების არქონის გამო მუშაობა შეწყვიტეს. ამ ცენტრების აქტივობებში ხეობის სხვადასხვა სოფელში მცხოვრები 300-მდე ბავშვი იყო ჩართული.

საქართველოს პრეზიდენტმა გიორგი მარგველაშვილმა ჰუმანური იდეების დამკვიდრების, აქტიური საზოგადოებრივი და საქველმოქმედო საქმიანობისათვის, სარეზერვო ფონდიდან დაფინანსებული წარმატებული პროექტების მონაწილეები ღირსების ორდენებით დააჯილდოვა.

მარიამი მაშინ მე-10 კლასის მოსწავლე იყო. 2015 წლის აპრილის იმ დღეს იხსენებს, როცა სკოლაში მისვლისას გაიგო, რომ მისი თანატოლი, 16 წლის მუსლიმ კუშტანაშვილი და მასზე ორი წლით უფროსი, 18 წლის რამზან ბაღაკაშვილი სირიაში წავიდნენ, საბრძოლო მოქმედებებში მონაწილეობის მისაღებად. ორივე მათგანი დაიღუპა. პანკისის სათემო რადიოს მონაცემებით, სირიაში ბრძოლებს უკვე 31 პანკისელი ემსხვერპლა, 30-მდე ადამიანი კი ცხელ წერტილში დღესაც იბრძვის.

არასამთავრობო ორგანიზაცია კახეთის რეგიონული განვითარების ფონდი აპირებს გადახედოს თავის საქმიანობას და შესაძლოა, პანკისის ხეობაში აქტივობები შეამციროს ან საერთოდ შეწყვიტოს უსაფრთხოების საკითხებიდან გამომდინარე.

დუისში 3 იანვარს მომხდარ ინციდენტთან დაკავშირებით განცხადებას ავრცელებს პანკისის ხეობის ფუნდამენტური ისლამის თემის იმამი ბექხან ფარეულიძე. იმამის განცხადებით, მომხდარის შედეგად ყველაზე მეტად ხეობაში მცხოვრები მუსლიმები დაზარალადნენ, რადგან გრძელდება მათი მიზანმიმართული დისკრედიტაცია.

შინაგან საქმეთა სამინისტროს ინფორმაციით, პანკისის ხეობის სოფელ დუისის კულტურის სახლის დაწვის მცდელობის ფაქტზე გამოძიება სისხლის სამართლის კოდექსის 187–ე მუხლით დაიწყო, რაც ნივთის დაზიანებას ან განადგურებას გულისხმობს. აღნიშნული მუხლი სასჯელის სახით ერთიდან სამ წლამდე პატიმრობას ითვალისწინებს. საქმეს ახმეტის პოლიცია იძიებს.

დღეს, 13:00 საათზე, პანკისში, დუისის კულტურის სახლთან აქცია გაიმართება. აქციის მონაწილეები კულტურის სახლის დაწვის მცდელობის ფაქტის გამოძიებასა და დამნაშავეთა დასჯას მოითხოვენ.