სოფლების - ზემო და ქვემო ალვანის მოსახლეობამ თუშეთში, გომეწრის ხეობაში, მდინარე ალაზანზე ხიდის აშენების მოთხოვნით, 2017 წლის 12 იანვარს ახმეტის საკრებულოში პეტიცია წარადგინა. პეტიციას 330 ამომრჩეველი აწერს ხელს.

რა სახის ღონისძიებებით უზრუნველყოფს პოლიცია მართლწესრიგის დაცვას; როგორი ფორმით შეიძლება მოგვიხდეს პოლიციასთან ურთიერთობა; რა არის სპეციალური საპოლიციო კონტროლი; რა სახის მოთხოვნებს უნდა ველოდოთ პოლიციისგან და როგორ დავიცვათ ამ დროს საკუთარი უფლებები; როგორ უნდა იქცეოდეს პოლიციელი მოქალაქეებთან ურთიერთობის დროს; სად შეიძლება გავასაჩივროთ პოლიციის ქმედებები?

საქართველოს სახალხო დამცველი მიიჩნევს, რომ სახელმწიფო ვალდებულია, სწრაფად და სრულყოფილად გამოიძიოს 3 იანვარს პანკისში მომხდარი ფაქტი, როდესაც უცნობმა პირებმა დუისის კულტურის სახლს, სადაც არასამთავრობო ორგანიზაცია კახეთის რეგიონული განვითარების ფონდის ოფისია განთავსებული, ცეცხლი წაუკიდეს.

საქართველოს პრეზიდენტის მრჩეველი ეთნიკური უმცირესობების საკითხებში სოფიო შამანიდი პანკისი ხეობაში ადგილობრივი მოსახლეობისა და არასამთავრობო ორგანიზაციების შეხვედრას დაესწრო, რომელზეც 3 იანვარს „კახეთის რეგიონული განვითარების ფონდის“ საზოგადოებრივ ცენტრში მომხდარი ინციდენტი განიხილეს.

„სალაფიტური ისლამის მიმდევრები ორმაგ დისკრიმინაციას, მარგინალიზაციას განიცდიან სახელმწიფო ინსტიტუტების, დომინანტი რელიგიური ჯგუფისა და უშუალოდ მუსლიმი თემის მხრიდანაც. სახელმწიფო მხოლოდ ტრადიციული ისლამის მიმდევრებისა და ინსტიტუტების (უხუცესთა საბჭოს) გაძლიერებით ცდილობს [ისევე როგორც ამას ის აკეთებს სხვა რელიგიურ თემებში] „ბრმა“ პოლიტიკის წარმოებას და ამ პოლიტიკით ხეობის უმრავლესობას რეალურად არ აღიარებს“, – აცხადებს არასამთავრობო ორგანიზაცია ადამიანის უფლებების სწავლებისა და მონიტორინგის ცენტრის სამოქალაქო და პოლიტიკური უფლებების პროგრამის დირექტორი თამთა მიქელაძე.

ადგილობრივი ხელისუფლების გადაწყვეტილებით, ანსამბლი „პანკისი“ უკვე დატოვა ლეილა აჭიშვილმა. თითზე ჩამოსათვლელ ახალგაზრდებს კი, ვინც ხეობაში არსებული პრობლემების მიუხედავად ჯერ კიდევ ახერხებენ ღონისძიებებში მონაწილეობას, მინიმალურ მხარდაჭერაზეც უარს ეუბნებიან.