პრემიერ-მინისტრმა გიორგი კვირიკაშვილმა ახმეტისა და თელავის საარჩევნო ოლქში „ქართული ოცნების“ მაჟორიტარი დეპუტატობის კანდიდატი გელა სამხარაული წარადგინა. როგორც პრემიერმა ახმეტის მაცხოვრებლებთან შეხვედრისას განაცხადა, სამხარაულმა სასოფლო სამეურნეო და მთის რეგიონების განვითარების მიმართულებით სერიოზულად იმუშავა.

„ქართული ოცნებიდან“ ახმეტის მაჟორიტარი დეპუტატობის კანდიდატი გელა სამხარაული პანკისის უხუცესთა კავშირის წარმომადგენლებს შეხვდა. შეხვედრა პანკისის სათემო რადიო WAY–ის ოფისში გაიმართა. სამხარაული უხუცესთა კავშირის წევრებს ახმეტა – თიანეთის, თუშეთი – ყაზბეგის გზების რეაბილიტაციასა და პანკისში ხილის ჩამბარებელი პუნქტის გახსნის პროექტზე ესაუბრა.

სამედიცინო დაწესებულებათა რეაბილიტაციისა და აღჭურვის სახელმწიფო პროგრამის ფარგლებში, ახმეტის რაიონის სოფელ დუისში გადაუდებელი სამედიცინო დახმარების ცენტრი შენდება. პროექტის მიხედვით, სამშენებლო სამუშაოები 2017 წლის იანვრის ბოლომდე უნდა დასრულდეს.

სს „კახეთის ენერგოდისტრიბუციის“ ინფორმაციით, 27 აგვისტოს, 09:00-დან 14:00 საათამდე პანკისის ხეობის სოფლებს ელექტროენერგიის მიწოდება შეუწყდება.