ღამის 12 საათისთვის სროლა იყო პანკისის ხეობის სოფელ დუისში. პანკისის სათემო რადიო WAY-ის ინფორმაციით, ისროლეს მურად ქავთარაშვილის მისამართით, რომელიც თბილისიდან ახალი ჩამოსული იყო და სახლში შედიოდა. სროლის შედეგად არავინ დაშავებულა. სახლში მურად ქავთარაშვილის მშობლები იმყოფებოდნენ. სახლს რამდენიმე ტყვია აქვს მოხვედრილი.

ახმეტის მუნიციპალიტეტის სოფელ დუისში, იუსტიციის სახლის საზოგადოებრივი ცენტრის შენობის შესასვლელში მდებარე „ლიბერთი ბანკის“ ბანკომატი ე.წ. ბარგალკით გაჭრეს. შინაგან საქმეთა სამინისტრო აცხადებს, რომ ბოროტმოქმედებმა ბანკომატი ღამით დააზიანეს, თუმცა თანხა წაღებული არ არის.

პანკისის ხეობის სოფელ დუისში, ცენტრალურ საავტომობილო გზაზე, პოლიციის განყოფილებიდან 15 მეტრში, რამდენიმე ახალგაზრდა თავს დაესხა მსახიობს, რომელსაც შორტები ეცვა. ინციდენტი მას შემდეგ მოხდა, რაც თანამდებობის პირებმა და ჟურნალისტებმა, რომლებიც დღეს, დუისში, იურიდიული დახმარების სამსახურის საკონსულტაციო ცენტრის გახსნას ესწრებოდნენ, ხეობა დატოვეს.

ააიპ სამოქალაქო აქტივობების ცენტრი (CCA) აცხადებს ვაკანსიას პროექტის კოორდინატორის პოზიციაზე ახმეტის მუნიციპალიტეტში. სამოქალაქო აქტივობების ცენტრის ოფისი განთავსებულია სოფელ დუისში. პროექტის კოორდინატორის სამუშაო არეალი მოიცავს პანკისის ხეობას, თუშეთს და ახმეტის მუნიციპალიტეტის დანარჩენ ტერიტორიას.

ახმეტა-თელავის მაჟორიტარი დეპუტატი გელა სამხარაული, პანკისის ხეობაში, დღეს, 17:00 საათზე, ახალგაზრდებთან კიდევ ერთ დახურულ შეხვედრას გამართავს. სამხარაულმა შეხვედრის ორგანიზება „ქართული ოცნების“ ადგილობრივ კოორდინატორებს დაავალა.

რამზან კადიროვთან დაახლოებული მუსა ხანგოშვილი დღეს გურჯაანში დააკავეს. შინაგან საქმეთა სამინისტროს ინფორმაციით, ხანგოშვილი დაკავებულია საქართველოს სისხლის სამართლის კოდექსის 353-ე მუხლის პირველი ნაწილით, რაც გულისხმობს მუქარას ან ძალადობას პოლიციელის მიმართ. დანაშაული სასჯელის სახით 7-დან 11 წლამდე პატიმრობას ითვალისწინებს.

შინაგან საქმეთა სამინისტროს განცხადებით, კონფლიქტი პანკისის ხეობის სოფელ დუისში ადგილობრივ მოსახლეობას შორის იყო. „სამართალდამცველებმა მდგომარეობა განმუხტეს და სოფელში უკვე სიმშვიდეა. სიტუაციის გართულების თავიდან აცილების მიზნით, ახმეტის პოლიციის განყოფილებაში იმყოფებოდა განსაკუთრებულ დავალებათა დეპარტამენტის ორი ჯგუფი. ამ დროისთვის გდდ-ს თანამშრომლები ახმეტაში აღარ იმყოფებიან“, - განუცხადეს პანკისის სათემო რადიოს შსს-ში.

გარემოსდაცვითი ზედამხედველობის დეპარტამენტის კახეთის სამმართველოს თანამშრომლები, რომლებიც პანკისში, სოფელ დუისში, სამშენებლო ბლოკის საამქროს მონიტორინგის მიზნით იმყოფებოდნენ, ტერიტორიიდან გააძევეს. ადგილობრივების თქმით, ინსპექტორები ბლოკის საამქროს მეპატრონის დაჯარიმებას აპირებდნენ, მდინარე ალაზნიდან ქვიშის უნებართვოდ აღების გამო.

პანკისის ხეობაში, სოფელ დუისში თემირლან მაჩალიკაშვილის ხსოვნისადმი მიძღვნილი დოღი გაიმართა, რომელშიც მონაწილეობა მიიღეს როგორც ადგილობრივებმა, ასევე ალვნიდან, ლალისყურიდან, თიანეთიდან და უკანაფშავიდან მიწვეულმა ახალგაზრდებმა. 24-მა მხედარმა 7-კილომეტრიანი დისტანცია დაფარა, გამარჯვებული კი 15 წლის ისლამ მაჩალიკაშვილი გახდა.

თემირლან მაჩალიკაშვილის ოჯახისთვის დაზარალებულის სტატუსის მინიჭება; თემირლან მაჩალიკაშვილის უდანაშაულოდ აღიარება; თემირლან მაჩალიკაშვილის მკვლელობის საქმეზე დამნაშავეთა დასჯა - ეს არის ის ძირითადი მოთხოვნები, რაც პანკისში სპეცოპერაციის შედეგად მოკლული 19 წლის თემირლან მაჩალიკაშვილის მშობლებს, ახლობლებსა და ხეობის მცხოვრებლებს ხელისუფლების მიმართ აქვთ. ისინი დღეს, პარასკევის ლოცვის შემდეგ, დუისში, თემირლან მაჩალიკაშვილის სახლში შეიკრიბნენ.