გადაცემაში პანკისის ხეობის მოსახლეობასა და ხელისუფლებას შორის კომუნიკაციის კრიზისზე ვსაუბრობთ.

საქართველოში შვედეთის ელჩის მოადგილე ერიკ სალმგრენ შანცი, საელჩოს განვითარებისა და თანამშრომლობის განყოფილების ხელმძღვანელი მოლი ლიენი და პროგრამების ადმინისტრატორი სალომე სვანაძე პანკისის ხეობაში არსებულ ვითარებას ეცნობიან.

„ნუ ამოვუწურავთ შვილმკვდარ მამას იმედს, თორემ იმედი როცა ამოიწურება, ჩვენ ვერ გავიგებთ, რას გააკეთებს ასეთი ადამიანი. მთელი სერიოზულობით ვითხოვ თემირლან მაჩალიკაშვილის მკვლელის და მკვლელობის ხელშემწყობების დასჯას“, - ასე მიმართა პანკისის ხეობაში „ქართული ოცნების“ ყოფილმა კოორდინატორმა თამაზ ბაღაკაშვილმა ხელისუფლებას, დუისში მაჩალიკაშვილების ოჯახის მხარდასაჭერად გამართული აქციიდან.  

სპეცრაზმის მიერ მოკლული 19 წლის თემირლან მაჩალიკაშვილის ოჯახის წევრების და პანკისის მოსახლეობის პროტესტის შედეგად, დღეს, ხეობაში, ხელისუფლების მიერ ორგანიზებული დღესასწაული „პანკისობა 2018“ ჩაიშალა.

მამაკაცი, რომელმაც დღეს, პანკისის ხეობის სოფელ დუისში, დიდების მემორიალის ტერიტორიაზე, ჭიშკართან შეკრებილ ბავშვებს მსუბუქი ავტომობილი Opel Combo დააჯახა, ახმეტის მუნიციპალიტეტის მერიის თანამშრომელია. ლევან მამსიკაშვილი მერიის კულტურის სამსახურში მუშაობს და ახმეტის მუნიციპალიტეტის მერის პირველი მოადგილის, ზაზა მიგრიაულის ცოლის ძმაა.

22 სექტემბერს, პანკისის ხეობის სოფელ დუისში, ხელისუფლების მიერ დაგეგმილი „პანკისობა 2018“, რომელიც გასართობ ღონისძიებებსაც მოიცავს, შესაძლოა, ჩაიშალოს. როგორც სპეცრაზმის მიერ მოკლული 19 წლის თემირლან მაჩალიკაშვილის მამამ, მალხაზ მაჩალიკაშვილმა პანკისის სათემო რადიოს უთხრა, ის, მისი ოჯახის წევრები და ახლობლები, კანონის ფარგლებში ყველაფერს გააკეთებენ, რომ ღონისძიება არ ჩატარდეს.

პანკისის ხეობაში უხუცესებისა და ახალგაზრდების ახალი საბჭო შეიქმნა, რომელსაც 78 წლის სალმან გაურგაშვილი უხელმძღვანელებს. პანკისის სათემო რადიო WAY-ს ინფორმაციით, საბჭოს დამფუძნებელი შეკრება სოფელ დუისში, ძველი მეჩეთის ეზოში გუშინ, 7 სექტემბერს გაიმართა.

პანკისის სათემო რადიო WAY აღმოსავლეთ-დასავლეთის მართვის ინსტიტუტის მხარდაჭერით, 3 სექტემბერს, ორშაბათს, პანკისის ხეობაში გამართავს დისკუსიას თემაზე - ანტიდასავლური პროპაგანდა, რუსული გავლენა და ახალგაზრდების დამოკიდებულება საგარეო საკითხებისადმი.

„მუსიკა ერთ-ერთი საჩუქარია, რომელიც ღმერთმა ადამიანს აჩუქა. ჩემი სიცოცხლე მუსიკაზეა დამოკიდებული. ჩემთვის ეს ბედნიერებაა, მუსიკით ვცოცხლობთ. დღეს ისეთი სიტუაციაა პანკისში, ზოგს მოსწონს, ზოგს არა, მაგრამ, ჩვენ ისე გვაქვს მუსიკა გამჯდარი, ვინც რაც არ უნდა თქვას, სიცოცხლის ბოლო წუთამდე ვიმღერებთ“, - რაისა და ტაისა ანსამბლ „ლაამან აზნაშის“ (მთის ჰანგები) წევრები არიან. მსოფლიოს 19 ქვეყანა აქვთ შემოვლილი. გასულ წელს, სპეციალური მიწვევით ავსტრალიაშიც იმყოფებოდნენ.

ახმეტა-თელავის მაჟორიტარი დეპუტატი გელა სამხარაული, პანკისის ხეობაში, დღეს, 17:00 საათზე, ახალგაზრდებთან კიდევ ერთ დახურულ შეხვედრას გამართავს. სამხარაულმა შეხვედრის ორგანიზება „ქართული ოცნების“ ადგილობრივ კოორდინატორებს დაავალა.