პანკისის ხეობაში გაზიფიცირების სამუშაოები დასრულდა. ენერგეტიკის სამინისტროს ინფორმაციით, ბუნებრივი აირი ხეობის 18 სოფელში შეიყვანეს. აბონენტების ჯამური რაოდენობა 2 712 ოჯახს შეადგენს.

„სამოქალაქო აქტივობების ცენტრი“ (CCA) აცხადებს კონკურსს მოხალისეების მისაღებად პანკისის ხეობაში. კონკურსში მონაწილეობა შეუძლიათ თბილისსა და საქართველოს რეგიონებში მცხოვრებ სრულწლოვან ახალგაზრდებს, რომლებსაც გააჩნიათ შესაბამისი უნარები.

3 მაისს, 11:00 საათზე, ენერგეტიკის მინისტრი კახა კალაძე, შპს „საქართველოს გაზის ტრანსპორტირების კომპანიის“ გენერალური დირექტორი ირაკლი ბენდელიანი, „სოკარ ჯორჯია გაზი“-ის და ადგილობრივი ხელისუფლების წარმომადგენლები, პანკისის ხეობაში, სოფელ საკობიანოში ახლადაშენებულ გაზგამანაწილებელ ქსელს დაათვალიერებენ.

1-ელ მაისს, საქართველოს გარემოსა და ბუნებრივი რესურსების დაცვის მინისტრი გიგლა აგულაშვილი პანკისში ახალგაზრდებს შეხვდება. ხეობაში ვიზიტის ფარგლებში რამდენიმე ღონისძიება გაიმართება, მათ შორის: დისკუსია მინისტრის მონაწილეობით, ექსპრეს-ლაბორატორიის მუშაობის დემონსტრირება, გამწვანების აქცია და ინტელექტუალური თამაში "რა? სად? როდის?"

"ჩვენ პანკისის ხეობის მუსლიმები, არასოდეს ვყოფილვართ სხვა რელიგიური მიმდინარეობის სიწმინდეების წინააღმდეგ. ამდენი წლის განმავლობაში პანკისის ხეობაში მდგარ სხვადასხვა ეკლესიებს არცერთი ჩვენი თემის წევრი არ შეხებია, იმ დროსაც კი, როცა პანკისის ხეობაში არეულობა იყო და პოლიციის მიერ კონტროლი არ ხდებოდა", - ასე გამოეხმაურა პანკისის სალაფიტური თემის იმამი ბექხან ფარეულიძე სოფელ ჯოყოლოში მშენებარე ქრისტიანული სალოცავის დანგრევის ფაქტს და დამნაშავეთა დასჯის მოთხოვნით ახმეტაში გამართულ ხალხმრავალ საპროტესტო აქციას.

ახალი ამბების გამოშვებას ნაზი დაქიშვილი უძღვება.

ახმეტაში 500-მდე ადამიანმა პანკისში მშენებარე სალოცავის დანგრევა გააპროტესტა. აქციის მონაწილეები ხელისუფლებისგან იმ პირთა დაუყოვნებლივ დასჯას ითხოვენ, რომლებმაც სოფელ ჯოყოლოში ქრისტიანული სალოცავი დაანგრიეს. მიმართვას ალავერდელი მიტროპოლიტი დავითი, ახმეტა-თელავის მაჟორიტარი დეპუტატი გელა სამხარაული და მუნიციპალიტეტის ხელმძღვანელი პირებიც შეუერთდნენ.

24 აპრილის ჩანაწერი (2017 წელი) – პანკისელი ახალგაზრდები მათ წინაშე არსებულ ყველაზე მნიშვნელოვან პრობლემებს შორის გართობისა და თავისუფალი დროის საინტერესოდ გატარებისთვის საჭირო სივრცის არარსებობას ასახელებენ.

ქართულ ტრადიციულ მეფუტკრეობაზე სტუდია EcoFilms-ის მიერ გადაღებული დოკუმენტური ფილმის „ჯარას“ ჩვენება 7 მაისსს, 17:00 საათზე, პანკისში, სოფელ დუისის კულტურის სახლში გაიმართება. ტელევიზიით ფილმის ჩვენება ჯერ არ მომხდარა და ის არც ინტერნეტშია ხელმისაწვდომი.

კვირაცხოვლობა დღეს პანკისის ხეობაში, ჯოყოლოს ტაძრის ეზოში სულ რამდენიმე კაცი ტრიალებდა. ამჯერად ტაძარიც ღია იყო, თუმცა მსახურება არ ტარდებოდა.