პანკისის ხეობის ოთხ სოფელში წყალმომარაგების სისტემის რეაბილიტაციაზე 2 330 000 ლარი დაიხარჯება. სარეაბილიტაციო სამუშაოები ომალოში, ჯოყოლოში, წინუბანსა და მატანში 2018 წლის აპრილში დაიწყება და 2019 წლის ოქტომბერში დასრულდება. სამუშაოებს „გაერთიანებული წყალმომარაგების კომპანია“ განახორციელებს.

საქართველოს კულტურისა და ძეგლთა დაცვის სამინისტროს მხარდაჭერით, არასამთავრობო ორგანიზაცია „სამოქალაქო აქტივობების ცენტრი“ პანკისში ვაინახური და ქართული ფოლკლორის ფესტივალს გამართავს. ფესტივალი წელს უკვე მეორედ ჩატარდება და მასში მონაწილეობას ქისტი, ხევსური, ფშაველი, მთიული, მოხევე და თუში მომღერლები და მოცეკვავეები მიიღებენ.

ახმეტის პოლიცია სისხლის სამართლის კოდექსის 187–ე მუხლით (ნივთის დაზიანება ან განადგურება) იძიებს პანკისის ხეობის სოფელ ჯოყოლოში მშენებარე ქრისტიანული სალოცავის დანგრევის ფაქტს. სოფელ ჯოყოლოს მკვიდრი მაყვალა ცისკარიშვილი, რომელიც სალოცავს აშენებდა, პანკისის სათემო რადიოსთან საუბარში არ ადასტურებს ინფორმაციას, რომ მშენებლობის გაგრძელების შემთხვევაში მას ადგილობრივი მუსლიმები სახლის გადაწვით ემუქრებოდნენ. მშენებარე სალოცავის დანგრევის შესახებ ხეობაში სხვადასხვა ვერსიები ვრცელდება.

პანკისის ხეობის სოფელ ჯოყოლოში, წმინდა გიორგის ეკლესიის ნაფუძარზე მშენებარე ეკლესიის კედლები დაანგრიეს. ამის შესახებ პანკისის სათემო რადიო WAY-ს ახმეტის მუნიციპალიტეტის გამგეობის ძეგლთა დაცვის სპეციალისტმა ელდარ ჭიჭიაშვილმა აცნობა.

ახალი ამბების გამოშვებას ნაზი დაქიშვილი უძღვება.

პანკისის ხეობაში საფეხბურთო ფესტივალი 1-ელ ივნისს, ბავშვთა დაცვის საერთაშორისო დღეს ჩატარდება. ფესტივალში მონაწილეობას მთელი საქართველოდან 24 გუნდი და 500-მდე მოზარდი მიიღებს. სპორტული ღონისძიება ფონდ „არველაძის“ პროექტის „სპორტული თერაპიის“ ფარგლებში გაიმართება.

გიორგი ოვაშვილის ფილმის „გაღმა ნაპირი“ ჩვენება ქალაქ ახმეტასა და პანკისის ხეობაში 19 აპრილს გაიმართება. ღონისძიება პროექტის „კინო სკოლაში“ ფარგლებში ჩატარდება და მას ფილმის რეჟისორიც დაესწრება.

პანკისის ხეობის სოფელ ყვარელწყალის მოსახლეობა ერთ კვირაზე მეტია სასმელი წყლის გარეშეა დარჩენილი. წვიმის გამო სათავე ნაგებობაში წყალი ბინძურდება და ონკანებში მღვრიე მოედინება. ხშირად მას ბაყაყებიც მოჰყვება. ადგილობრივები იძულებულები არიან, სასმელად ვარგისი წყალი იყიდონ ან მეზობელი სოფლებიდან მოიმარაგონ.

ახალი ამბების გამოშვებას ნაზი დაქიშვილი უძღვება.

„90-იანი წლების დასაწყისში ჩემი ქმარ-შვილით გროზნოში ვცხოვრობდი. ბედნიერი ოჯახი გვქონდა, ეკონომიკურადაც ძლიერად ვიყავით. ერთ დღეს ჯოხარ დუდაევის, ჩეჩნეთის მაშინდელი პრეზიდენტის მიმართვა გავრცელდა: ყველანი სასწრაფოდ მიტინგზე გამოდითო.