ახმეტის მუნიციპალიტეტის მერიისა და საკრებულოს მაღალჩინოსნებისთვის ხუთი ახალი ავტომობილის შესაძენად ადგილობრივი ბიუჯეტიდან 275 ათასი ლარი გამოიყო. მერიამ საბიუჯეტო ცვლილებებზე თანხმობა საკრებულოსგან უკვე მიიღო. 

ახმეტის მუნიციპალიტეტის მერიამ დღეს, 7 ოქტომბერს გამართულ საკრებულოს სხდომაზე უკან გაიწვია სოფელ დუისის ყოფილი ადმინისტრაციული შენობის გაყიდვის საკითხი. ამ შენობაშია იჯარით განთავსებული პანკისის სათემო რადიოც. მერიის წარმომადგენელმა თინათინ კუდიანაშვილმა საკითხის უკან გაწვევის მიზეზი არ განმარტა და დარბაზი დაუყოვნებლივ დატოვა. საკრებულოს დღევანდელი სხდომის დღის წესრიგში ეს ერთადერთი განსახილველი საკითხი იყო. არცერთ დეპუტატს არ დაუსვამს კითხვა, რატომ ითხოვდა მერია დაჩქარებულ რეჟიმში შენობის გაყიდვას ან უკან რატომ გაიწვიეს საკითხი, რომლის განსახილველადაც საკრებულოს 24 წევრი საგანგებოდ შეკრიბეს.

„ნაციონალური მოძრაობა“ ახმეტის მუნიციპალიტეტის საკრებულოში „ქართული ოცნების“ ორი ფრაქციის შექმნას სასამართლოში გაასაჩივრებს. როგორც „ნაციონალური მოძრაობიდან“ საკრებულოს წევრმა შაქრო ტერტერაშვილმა განაცხადა, ფრაქციები „ქართული ოცნება -კონსერვატორები“ და „ქართული ოცნება - მრეწველები“ საკრებულომ კანონის დარღვევით დაარეგისტრირა.

ცენტრალური საარჩევნო კომისიის წინასწარი მონაცემებით, ახმეტის მე-18 სარჩევნო ოლქში „ქართული ოცნება – დემოკრატიული საქართველოს“ მერობის კანდიდატმა იოსებ ქარუმაშვილმა გაიმარჯვა, რომელმაც ამომრჩეველთა ხმების  59.41 % (8 523 ხმა) მიიღო. 29 უბნიდან ყველა უბნის შედეგები დათვლილი და გამოქვეყნებულია.

18 ოქტომბრის ჩანაწერი (2017 წ.) – 21 ოქტომბრის ადგილობრივი თვითმმართველობის არჩევნებისთვის ახმეტის მუნიციპალიტეტში მერობის 8 კანდიდატია რეგისტრირებული.

2017 წლის 21 ოქტომბრის ადგილობრივი თვითმმართველობის არჩევნებისთვის ახმეტის მუნიციპალიტეტში მერობის 8 კანდიდატია რეგისტრირებული.

თუშეთში ტურისტული სეზონის დასრულებამდე ორი თვე დარჩა და მუნიციპალიტეტის გამგეობას შიდა გზები ამ დრომდე არ გაუწმენდია. პირიქითის ხეობაში სოფელ გირევთან მისასვლელი გზა იმდენად არის დაზიანებული, რომ გადაადგილება მაღალი გამავლობის ავტომობილებსაც უჭირთ. დართლოს გზაზე ადგილობრივებმა 5 მეტრიანი ზვავი ხელით და ბენზოხერხებით გაჭრეს. ჩანგრევაზეა შენაქო–დიკლოსთან დამაკავშირებელი ერთადერთი ხიდი. ახმეტის მუნიციპალიტეტის გამგებელი შვებულებაშია და დროს ბრიტანეთში ატარებს.

26 ოქტომბრის ჩანაწერი (2016 წ) – გადაცემაში ვსაუბრობთ მაჟორიტარული არჩევნების მეორე ტურსა და წინასაარჩევნო პერიოდში დაფიქსირებულ დარღვევებზე.

ახმეტა – თელავის საარჩევნო ოლქში 50 საარჩევნო უბნიდან ამ დროისთვის ყველა უბნის შედეგი დათვლილია. როგორც პანკისის სათემო რადიო WAY–ს საოლქო – საარჩევნო კომისიაში განუცხადეს, „ქართული ოცნების“ მაჟორიტარი დეპუტატობის კანდიდატს გელა სამხარაულს ხმების 46 % აქვს (11762 ხმა), „ნაციონალური მოძრაობის“ კანდიდატმა შაქრო ტერტერაშვილმა კი 32.27 % (8200 ხმა) მიიღო.

ცენტრალური საარჩევნო კომისიის წინასწარი მონაცემებით, ახმეტა-თელავის 28-ე მაჟორიტარულ საარჩევნო ოლქში 50 საარჩევნო უბნიდან ამ დროისთვის დათვლილია 18 უბნის შედეგები. „ქართული ოცნების“ მაჟორიტარი დეპუტატობის კანდიდატს გელა სამხარაულს ხმების 47,61 % (4441 ხმა), ხოლო  „ნაციონალური მოძრაობის“ კანდიდატს შაქრო ტერტერაშვილს 34,02 % (3173 ხმა).