ქართული ანბანის სამი სახეობის ცოცხალი კულტურა იუნესკოს არამატერიალური კულტურული მემკვიდრეობის წარმომადგენლობით სიაში შეიტანეს. გადაწყვეტილება ეთიოპიის დედაქალაქ ადის-აბებაში, იუნესკოს არამატერიალური კულტურული მემკვიდრეობის დაცვის მთავრობათაშორისი კომიტეტის მე-11 სესიაზე მიიღეს.

სახალხო დამცველის ინფორმაციით, 2016 წლის 10 თვის მონაცემებით, ოჯახში ძალადობის პირობებში 13 ქალი იქნა მოკლული, 2000-ზე მეტ შემთხვევაში კი პოლიციამ დაცვის ღონისძიება გამოიყენა.

გომბორის უღელტეხილზე ტრანსპორტის მოძრაობასთან დაკავშირებით დაწესებული შეზღუდვები არ მოქმედებს. როგორც კახეთის საინფორმაციო ცენტრს თელავის საგზაო სამმართველოში განუცხადეს, უღელტეხილზე არ თოვს და გზა ყველა სახის ტრანსპორტისთვის თავისუფალია. მოძრაობა შესაძლებელია ზაფხულის საბურავებითაც.

რა საფრთხეებს შეიცავს „ისლამური სახელმწიფო“ საქართველოსთვის, როგორ ხდებოდა საქართველოს მოქალაქეების რეკრუტირება და გადინება, ამ მიმართულებით რა არის პანკისის ხეობის გამოწვევები, რა ნაბიჯებს დგამს სახელმწიფო დაეშის წინააღმდეგ და როგორია არასამთავრობო სექტორის რეკომენდაციები?

საბავშვო ევროვიზიის გამარჯვებული 10 წლის ქართველი გოგონა, მარიამ მამადაშვილი გახდა. მან სიმღერა „მზეო“ შეასრულა და 17 ქვეყნის წარმომადგენლებს შორის 239 ქულით გაიმარჯვა.