საქართველოს ჟურნალისტური ეთიკის ქარტიის საბჭოს გადაწყვეტილებით, ტელეკომპანია „იმედის“ სიუჟეტი, რომელიც თემირლან მაჩალიკაშვილის ოჯახს ეხება, მანიპულაციურია. ქარტიის საბჭოს დასკვნით, სადავო სიუჟეტში მოცემული ბევრი ინფორმაცია არასწორია, ზოგიერთ შემთხვევაში კი მაყურებლისთვის არასრული ინფორმაციის მიწოდება მოხდა. ამით კი ავტორი შეეცადა გაემყარებინა სახელმწიფო ბრალდების მტკიცება, რომ თემირლან მაჩალიკაშვილს ტერორისტებთან ჰქონდა კავშირი.

სათემო რადიოს მიერ გამოქვეყნებული მასალების საფუძველზე, რომელიც პანკისის ხეობაში ნარკოტიკების დამზადებასა და გავრცელებას ეხება, კახეთის პოლიციის დეპარტამენტმა გამოძიება დაიწყო. შინაგან საქმეთა სამინისტროს ინფორმაციით, გამოძიება სისხლის სამართლის კოდექსის 260-ე მუხლით მიმდინარეობს, რაც გულისხმობს ნარკოტიკული საშუალების, მისი ანალოგის ან პრეკურსორის უკანონო დამზადებას, წარმოებას, შეძენას, შენახვას, გადაზიდვას ან გადაგზავნას. დანაშაული ისჯება თავისუფლების აღკვეთით ვადით ექვს წლამდე.

„ეს მართლაც მტკივნეული პრობლემაა პანკისის ხეობაში. ვგულისხმობ ახალგაზრდობის ბევრი ნაწილის მიერ ნარკოტიკების მოხმარებას. ეს როგორც რელიგიის, ასევე ჯანმრთელობის მხრივ საზიანოა. ყველა, ვინმეს თუ საშუალება გააჩნია, წინ უნდა აღუდგეს ამ სენს რაც ახალგაზრდებშია“, - აცხადებს პანკისის ხეობის სალაფიტური თემის იმამი ზურაბ ქავთარაშვილი პანკისის სათემო რადიოსთან ინტერვიუში. 

სოფელ ჯოყოლოში მრავალფუნქციური სპორტული ცენტრის მშენებლობა და პანკისის ხეობის სოფლებიდან რაიონულ ცენტრამდე დამაკავშირებელი საზოგადოებრივი ტრანსპორტის არსებობა - ეს არის ორი ყველაზე მნიშვნელოვანი საკითხი, რომელიც პანკისის ხეობაში ახალგაზრდების სპორტული საჭიროებების ადვოკატირების პროექტის ფარგლებში ჩატარებული კვლევისას გამოიკვეთა. ორივე პრობლემის გადაწყვეტის ხელშეწყობისთვის პანკისის სათემო რადიო და უხუცესთა კავშირი ადვოკატირების კამპანიებს უახლოეს დღეებში დაიწყებენ.

ქისტური სამართლის მიხედვით ადამიანის მკვლელობა მძიმე დანაშაულია. „მეერის“, შურისძიების ობიექტის განსაზღვრისას მხედველობაში მიიღება შემდეგი გარემოებები: თუ მკვლელი დაკავებულია სამართალდამცავი ორგანოების მიერ და სასჯელს იხდის ციხეში, ის იკავებს „მეერის“ ადგილს და თუ ის ციხეში გარდაიცვალა, მისი შეცვლა უახლოესი ნათესავით (ძმა, მამა, ბიძა, ბიძაშვილი) იკრძალება, რადგან შურისძიება უნდა მოხდეს მხოლოდ და მხოლოდ უშუალოდ მკვლელზე. დაუშვებელია მკვლელის ნათესავებზე შურისძიება.

25 წლის თიკო ფარეულიძე თბილისის სახელმწიფო უნივერსიტეტის მეორე კურსის დოქტორანტია. კავკასიოლოგიაზე სწავლობს. სადოქტორო კვლევა პანკისის ხეობაზე აქვს. მიაჩნია, რომ პანკისი კარგი მექანიზმია ჩრდილოეთ კავკასიასთან ურთიერთობისთვის.

პანკისის ხეობაში სოფელ დუისის სასაფლაოზე ქერიმ დუიშვილის აკლდამა გადაწვეს. ხანძრის შედეგად დაიწვა აკლდამის ჭერი, ფანჯრები, ავეჯი და სხვა ინვენტარი. ქერიმ დუიშვილს ხეობაში მცხოვრები მუსლიმების ნაწილი წმინდანად მიიჩნევს. აკლდამაში, სადაც ქერიმ დუიშვილის საფლავია მოქცეული, ხალხი სალოცავად დადიოდა.

„ახალგაზრდა აქტივისტები, ვისთან ერთადაც შეიძლებოდა ხეობისთვის მნიშვნელოვან საკითხებზე გვეხმაურა, სულ 2-3 დავრჩით, დანარჩენებმა ხეობა დატოვეს და საქართველოდან წავიდნენ“, - ლუიზა მუთოშვილი, 30 წლის, პანკისის მკვიდრი.

პანკისის ხეობის სოფელ საკობიანოში მომხდარი შეიარაღებული დაპირისპირებისას 37 წლის ვისო მუთოშვილის განზრახ მკვლელობის ბრალდებით დაკავებულ ორივე პირს, თელავის რაიონულმა სასამართლომ პატიმრობა შეუფარდა. ბრალდებულების ადვოკატის განცხადებით, 26 წლის არბი ქავთარაშვილი და 29 წლის რამაზ ხანგოშვილი დანაშაულს აღიარებენ. თუმცა, ადვოკატმა დღევანდელ სასამართლო პროცესზე ისიც თქვა, რომ ბრალდებულთაგან არცერთს არ გაუსვრია მუთოშვილების მიმართულებით, ვიდრე პირადად მათ და მათ მხარეს მყოფი სხვა პირების სიცოცხლეს საფრთხე არ დაემუქრა. ადვოკატმა ხაზი გაუსვა, რომ შეიარაღებული დაპირისპირების შედეგად ქავთარაშვილების მხარეს სამი ადამიანია დაჭრილი, მაგრამ მუთოშვილების მხრიდან პოლიციას ამ დრომდე არავინ დაუკავებია.

კახეთის პოლიციის დეპარტამენტის თანამშრომლებმა პანკისის ხეობის სოფელ საკობიანოში მომხდარი შეიარაღებული დაპირისპირებისას, 1982 წელს დაბადებული ვისო მუთოშვილის განზრახ მკვლელობის ფაქტზე 2 პირი დააკავეს. დაკავებულები არიან არბი ქავთარაშვილი და რამაზ ხანგოშვილი.