15 ოქტომბერს აზერბაიჯანში Grand European Fighting Chempionship-ის ორგანიზებით გამართულ ორთაბრძოლა MMA-ს საერთაშორისო პროფესიონალურ ტურნირში მონაწილეობას სხვადასხვა ქვეყნის სპორტსმენებთან ერთად მონაწილეობას მიიღებს ორი ქართველი, მათ შორის პანკისელი ასლან გორგიშვილიც, რომელიც 77 კგ წონით კატეგორიაში აზერბაიჯანელ ჰუსეინ ალიევს დაუპირისპირდება.

5 ნოემბერს, ახმეტის რაიონის სოფელ არგოხის იპოდრომზე ტრადიციული საშემოდგომო დოღი მოეწყობა. დოღი ორ დისტანციაზე, 3000 და ექვსიათას მეტრზე გაიმართება. საპრიზო ფონდი 1 500 ლარია, რომელიც პირველი სამი ადგილის მფლობელზე განაწილდება.

ძალადობრივ ექსტრემიზმთან ბრძოლის საერთაშორისო ორგანიზაციამ „ჰედაია“ საგრანტო კონკურსი გამოაცხადა, რომლის სპეციფიური მიზანია მხარი დაუჭიროს ისეთ კვლევით ინიციატივებს, რომლებიც ითვალისწინებს რადიკალიზაციისა და ტერორიზმში ჩართულობის სხვადასხვა ასპექტებში ჩაღრმავებას.

თუშეთის გზაზე, თორღვას აბანოს მიმდებარე ტერიტორიაზე „ლენდკრუიზერის“ მარკის ავტომობილი დაახლოებით 60 მეტრის სიმაღლიდან ხრამში გადავარდა. ავტომობილით ისრაელის მოქალაქეები მგზავრობდნენ. ისინი თუშეთიდან ბარში ბრუნდებოდნენ. შემთხვევის შედეგად 5 და 10 წლის ბავშვები ადგილზე დაიღუპნენ, საავადმყოფოში არიან გადაყვანილები მათი მშობლები, ასევე 7 და 11 წლის ბავშვები.

ახმეტა – თელავის საარჩევნო ოლქში 50 საარჩევნო უბნიდან ამ დროისთვის ყველა უბნის შედეგი დათვლილია. როგორც პანკისის სათემო რადიო WAY–ს საოლქო – საარჩევნო კომისიაში განუცხადეს, „ქართული ოცნების“ მაჟორიტარი დეპუტატობის კანდიდატს გელა სამხარაულს ხმების 46 % აქვს (11762 ხმა), „ნაციონალური მოძრაობის“ კანდიდატმა შაქრო ტერტერაშვილმა კი 32.27 % (8200 ხმა) მიიღო.

ცენტრალური საარჩევნო კომისიის წინასწარი მონაცემებით, ახმეტა-თელავის 28-ე მაჟორიტარულ საარჩევნო ოლქში 50 საარჩევნო უბნიდან ამ დროისთვის დათვლილია 18 უბნის შედეგები. „ქართული ოცნების“ მაჟორიტარი დეპუტატობის კანდიდატს გელა სამხარაულს ხმების 47,61 % (4441 ხმა), ხოლო  „ნაციონალური მოძრაობის“ კანდიდატს შაქრო ტერტერაშვილს 34,02 % (3173 ხმა).