პანკისის ხეობის სოფელ დუისში 40 წლის იბრაჰიმ ქავთარაშვილის მკვლელობისთვის პოლიცია ამავე სოფელში მცხოვრებ 45 წლის სიმონ მარგოშვილს ეძებს. შინაგან საქმეთა სამინისტრომ გამოძიება განზრახ მკვლელობის მუხლით დაიწყო. მოკლულს დანით 10-ზე მეტი ჭრილობა აქვს მიყენებული.

ახმეტის რაიონის სოფელ დუისში მკვლელობა მოხდა. ე.წ. ხეხილების ტერიტორიაზე იბრაჰიმ ქავთარაშვილი მოკლეს. მკვლელობაში ეჭვმიტანილი მოკლულის თანასოფლელი და მისივე მეზობელია.

თამარ გოზალიშვილი რამდენიმე თვის წინ უმუშევარი დარჩა. საზოგადოებრივი ტრანსპორტის არარსებობის გამო სოფელ საკობიანოდან სამსახურში, ახმეტაში ვერ იარა. კორონავირუსის პანდემიის დაწყებიდან, სოციალურ ქსელში იმდენი ადამიანის გაჭირვებაზე წაიკითხა, რომ ბოლოს მათი დახმარება გადაწყვიტა. „ფეისბუქში“ გვერდი გახსნა და პანკისის ხეობის მცხოვრებლებისთვის დახმარების შეგროვება დაიწყო.

ტაჯიკი ბიზნესმენების გატაცებაში, იძულებასა და ფულის გამოძალვაში ბრალდებულები  – ბაქარ ფარეულიძე, ისლამ დუიშვილი, ზელიმხან აჭიშვილი და ზელიმ ბაკაევი პატიმრობიდან გაათავისუფლეს. თბილისის საქალაქო სასამართლომ ბრალდებულებს აღკვეთის ღონისძიება პატიმრობა 5000 – 5000 ლარის ოდენობით გირაოთი შეუცვალა. 

ომალო-ბირკიანი-ჯოყოლო-დუისი-ომალოს 12 კილომეტრიანი გზის ფეხით გავლა რიზვან გორგიშვილს თითქმის ყოველდღე უწევს, რათა პანკისის სათემო რადიოს ოფისში დროულად მივიდეს და საინფორმაციო გამოშვებები მოამზადოს.

მეორეკლასელი თამარ თორღვაშვილი დედისფერულში (კაკლიანი) მცხოვრები ერთადერთი ბავშვია. ახმეტის მუნიციპალიტეტის ამ სოფელში სულ 12 კომლიღა ცხოვრობს. პატარა ბავშვებიანი ოჯახები სხვაგან გადასახლდნენ, სადაც სამსახურის შოვნის შანსი და შვილებისთვის განათლების მიცემის მეტი შესაძლებლობა აქვთ.

ბოლო თვეებში საქართველოში კორონავირუსით ინფიცირების ყოველდღიური მაჩვენებელი რამდენიმე ათასს აჭარბებს. 14 დეკემბრის მდგომარეობით ქვეყანაში კოვიდ-ინფიცირებულია 29 727 ადამიანი. 10 ათასამდე ინფიცირებული საავადმყოფოებსა და კოვიდ-კლინიკებში არის მოთავსებული, დაახლოებით 19 700 ადამიანი კი სამკურნალოდ სახლშია დატოვებული. რა უნდა გაითვალისწინონ ინფიცირებულებმა სახლში მკურნალობის დროს – ამ თემაზე პანკისის სათემო რადიოს ეთერში ინფექციონისტმა, მაია ბუწაშვილმა ისაუბრა.

პანკისის ხეობაში, ბოლო 24 საათში, კოვიდინფიცირების შემთხვევა არ დაფიქსირებულა, პანდემიის გავრცელებიდან დღემდე კი სულ 72 შემთხვევა დადასტურდა და ერთი ადამიანი გარდაიცვალა.

პანკისის ხეობაში, საპარლამენტო არჩევნების მეორე ტურში, „ქართული ოცნების“ კანდიდატმა ირაკლი ქადაგიშვილმა „ნაციონალური მოძრაობის“ წარმომადგენელი გიორგი ბოტკოველი სერიოზული უპირატესობით დაამარცხა და ეს იმ ფონზე, როცა ოპოზიციამ მეორე ტურს ბოიკოტი გამოუცხადა, ხოლო მოსახლეობის აქტივობა პირველ ტურთან შედარებით გაცილებით დაბალი იყო. 

საპარლამენტო არჩევნების მეორე ტურში, 18:00 საათისთვის, ამომრჩეველთა აქტივობა - 28.89%-ია, მაშინ როცა 31 ოქტომბერს, არჩევნების პირველ ტურში, დღის იმავე მონაკვეთში, ამომრჩეველთა აქტივობა 46.15%-ს აღწევდა.