ე.წ. "ისლამური სახელმწიფოს" ერთ-ერთი ლიდერის თარხან ბათირაშვილის გარდაცვალება პანკისის ხეობაში მცხოვრებმა მისი ოჯახის წევრებმა დაადასტურეს.

სირიაში, საბრძოლო მოქმედებების დროს, პანკისის ხეობის სოფელ დუისში მცხოვრები, 39 წლის ომარ მარგოშვილი დაიღუპა. მარგოშვილი ე.წ „ისლამური სახელმწიფოს“ წევრი იყო და ახმედ ჩატაევის დაჯგუფება „იარმუკში“ იბრძოდა. ომარ მარგოშვილი საქართველოდან თურქეთში 2015 წელს წავიდა, საიდანაც სირიაში გადავიდა. მას პანკისში ორი ოჯახი ჰყავს. ომარ მარგოშვილს ერთ ცოლთან 7, მეორესთან კი 3 შვილი დარჩა.

სირიაში, საბრძოლო მოქმედებების დროს, საქართველოს კიდევ ერთი მოქალაქე, პანკისის ხეობის სოფელ დუმასტურში მცხოვრები 22 წლის ასლანბეგ ბორჩაშვილი დაიღუპა. ასლანბეგ ბორჩაშვილი საქართველოდან თურქეთში 2015 წლის აგვისტოში წავიდა, საიდანაც სირიაში გადავიდა. საქართველოდან წასვლამდე ასლანბეგ ბორჩაშვილი თელავის სახელმწიფო უნივერსიტეტში ინფორმაციული ტექნოლოგიების სპეციალობის მესამე კურსზე სწავლობდა.

საოჯახო სასტუმრო და ვაინახური სამზარეულო, ველოტურები, თექის სახელოსნო, სამკერვალო სალონი – ეს იმ პროექტების არასრული ჩამონათვალია, რომლის განხორციელებაც პანკისელ ქალებს სურთ. მცირე გრანტების მოპოვებას ისინი მეწარმეობის ხელშეწყობის სახელმწიფო პროგრამიდან ცდილობენ. პროგრამა საქართველოს რეგიონებში ხორციელდება და მისი ბიუჯეტი 20 მილიონი ლარია. ამ თანხის 1 %–იც კი (200 000) პანკისის ხეობაში რომ დაიხარჯოს, შესაძლებელი გახდებოდა პირველივე ეტაპზე 20–25 პროექტის განხორციელება.

პანკისის ხეობის სოფელ დუისში ქავთარაშვილების გვარის წარმომადგენლები არიან შეკრებილი და პოლიციისგან სწრაფ და ეფექტურ რეაგირებას ითხოვენ გვიან ღამით მომხდარი დანაშაულის გამო. სავარაუდოდ, შურისძიების მოტივით, ომარ ქავთაროვის საცხოვრებელი სახლი გადაწვეს. ხანძრის შედეგად არავინ დაშავებულა, რადგან იმ დროისთვის სახლში არ იმყოფებოდნენ. ქავთარაშვილებს ეჭვმიტანილიც ჰყავთ.

ბოლო სამი წლის განმავლობაში პანკისის ხეობა არაერთხელ მოექცა ქართული და საერთაშორისო მედიის ყურადღების ცენტრში.

საქართველოს პრეზიდენტის ადმინისტრაციის მხარდაჭერით, პანკისის ხეობის ქალთა სათემო ორგანიზაცია საქართველოს ხუთ რეგიონში ვაინახური კულტურის ფესტივალს გამართავს.

„ტერორიზმის დაკავშირება ისლამთან, ჩემი აზრით, ძალიან დიდი შეცდომაა. პირველ რიგში იმ მუსლიმების შეცდომა და დანაშაულია, რომლებიც ისლამის სახელით ხალხს კლავენ.

პანკისის ხეობაში ტრადიციული ისლამის მეჩეთის იმამები არასრულწლოვანთა ქორწინებას რელიგიურად აღარ გააფორმებენ. ეს გადაწყვეტილება ტრადიციული ისლამის მეჩეთის იმამებმა რამდენიმე დღის წინ, პანკისის უხუცესთა კავშირის წარმომადგენლებთან გამართულ შეხვედრაზე მიიღეს. ამ გადაწყვეტილებას პანკისის ხეობაში მცხოვრები ფუნდამენტური ისლამის წარმომადგენლები არ ეთანხმებიან.

სოფლის მეურნეობის მინისტრი ოთარ დანელია სოფელ დუისში პანკისის ხეობაში მცხოვრებ ფერმერებს, ქალთა სათემო ორგანიზაციის წევრებსა და ახალგაზრდებს შეხვდა. შეხვედრაზე მინისტრმა იმ პროექტებზე ისაუბრა, რომელსაც სოფლის მეურნეობის სამინისტრო დარგის ხელშეწყობისთვის ახორციელებს. პანკისის ხეობის მაცხოვრებლებმა განსაკუთრებული ინტერესი სასოფლო-სამეურნეო კოოპერატივების შექმნასთან დაკავშირებით გამოხატეს.