ჩრდილოეთ კავკასიის ხალხის ხელოვნების შესახებ მწერალმა ნონა ხანგოშვილმა (თუმი დიშნი) წიგნი გამოსცა. „ვაინახების ხელოვნება“ - ასე ჰქვია ახალ წიგნს, რომლის პრეზენტაციაც 18 დეკემბერს პანკისის ხეობაში გაიმართება. წიგნი ქართულ, ინგლისურ და რუსულ ენებზეა გამოცემული.

„ზიქრის“ რიტუალი, რომელსაც პანკისის ხეობაში მცხოვრები ტრადიციული ისლამის მიმდევარი ქისტი ქალები ყოველ პარასკევს, ლოცვის დაწყებამდე ასრულებენ, ტურისტების განსაკუთრებულ ყურადღებას იქცევს. ეს რიტუალი კავკასიაში სულ რამდენიმე ადგილზეა შემორჩენილი.

თამარ მარგოშვილი პირველი ქალია, რომელიც პანკისში სოფლის გამგებლად დაინიშნა. თვითმმართველობის ორგანოში ვაკანტური პოზიციის დასაკავებლად გამოცდა მან 2014 წლის დეკემბერში ჩააბარა, მაგრამ 9 თვის განმავლობაში ვაკანტურ პოზიციაზე არ ნიშნავდნენ.

გენდერული ნიშნით ძალადობის პრობლემით ომბუდსმენის აპარატისთვის პანკისის ხეობაში მცხოვრებ არცერთ ქალს არ მიუმართავს,- ამის შესახებ სახალხო დამცველმა პანკისის სათემო რადიო WAY-ს განუცხადა. თუმცა, უჩა ნანუაშვილის თქმით, მიმართვიანობის არარსებობა, ხეობის სოფლებში ძალადობის შემთხვევებს არ გამორიცხავს.

არასამთავრობო ორგანიზაცია „სამოქალაქო აქტივობების ცენტრი“ პანკისის ხეობის სოფელ დუისში ფრენბურთის თანამედროვე მოედანს მოაწყობს. PH International-ის მხარდაჭერით, სამოქალაქო აქტივობების ცენტრი პანკისის სკოლების მე-9, მე-10 და მე-11 კლასების მოსწავლეთა მონაწილეობით, ახალგაზრდულ კლუბსაც ჩამოყალიბებს და ორგანიზებას გაუკეთებს საგანმანათლებლო და სპორტულ ღონისძიებებს.

„პანკისის ხეობაში დაფინანსდა 40 პროექტი 100–მდე ბენეფიციარით. თანხობრივად ეს არის 412 ათასი ლარი. აქვე აღვნიშნავ, რომ დაფინანსების ეტაპები ჯერ არ დასრულებულა. ეს პროცესი კვლავ გრძელდება“, – განაცხადა პანკისის სათემო რადიო WAY–ს ეთერში მეწარმეობის განვითარების სააგენტოს ბიზნეს განვითარების კომპონენტის მენეჯერმა შალვა ჯაფარიძემ.

პანკისის ხეობის სოფლებიდან წინუბნიდან, ზემო, ქვემო და შუა ხალაწნიდან დუისის საჯარო სკოლაში 67 მოსწავლე ირიცხება, რომლებსაც მოსწავლეთა ტრანსპორტის უზრუნველყოფის პროგრამით, მხოლოდ 2 მიკროავტობუსი ემსახურება. პანკისის სათემო რადიოს რეპორტიორმა 16 ნოემბერს დაითვალა, რომ ერთ მიკროავტობუსს 19, ხოლო მეორე მიკროავტობუსს 26 მოსწავლე გადაჰყავდა. მოსწავლეები მიკროავტობუსებში ფეხზეც იდგნენ.

16 ნოემბრის ჩანაწერი (2016 წ) – პანკისში მომუშავე არასამთავრობო ორგანიზაციების განცხადებით, ხეობაში მასობრივად დანიშნული სოციალური დახმარება მოსახლეობის დემოტივაციას იწვევს და ხელს უშლის მათი ჩართულობის ხელშეწყობას ეკონომიკურ, საზოგადოებრივ პროცესებში. პანკისის ხეობაში სოციალური დახმარების მავნე ზეგავლენაზე ადგილობრივი ხელისუფლების წარმომადგენლებიც საუბრობენ.

გადაცემაში მცირე მეწარმეობის განვითარების მნიშვნელობაზე და ამ მიმართულებით არსებულ სახელმწიფო პროგრამებზე ვსაუბრობთ.

საოჯახო სასტუმროები, ქისტური სამზარეულო, სწრაფი კვება, ჩაის სახლი, ველოტურები, თექის სახელოსნო, თხის ყველის წარმოება, ავტოსერვისი, სარემონტო კომპანია – ეს ის პროექტებია, რომლებიც „მიკრო და მცირე მეწარმეობის ხელშეწყობის“ სახელმწიფო პროგრამის ფარგლებში პანკისის ხეობაში დაფინანსდა. მცირე ბიზნესის დაწყების ან განვითარების მსურველებმა 5000-დან 15 ათას ლარამდე გრანტი მიიღეს.