2017 წლის 21 ოქტომბერს დანიშნული ადგილობრივი თვითმმართველობის არჩევნებისთვის ახმეტის საოლქო საარჩევნო კომისიაში საკრებულოს პროპორციული სია 9 პოლიტიკურმა პარტიამ წარადგინა. გაგაცნობთ პარტიულ სიებს.

2017 წლის 21 ოქტომბრის ადგილობრივი თვითმმართველობის არჩევნებისთვის ახმეტის მუნიციპალიტეტში მერობის 8 კანდიდატია რეგისტრირებული.

ახმეტის გამგეობის თანამდებობის პირების ავტომანქანების რემონტზე მხოლოდ 1 თვეში ბიუჯეტიდან 8 000 ლარი დაიხარჯა, ხოლო სექტემბერში გამოცხადებული ტენდერით კიდევ 10 000 ლარის დახარჯვა იგეგმება. ახმეტის ბიუჯეტში 55 ობოლი და შეზღუდული შესაძლებლობის ბავშვის დასახმარებლად კი ერთ წელიწადში სულ 5 500 ლარია გამოყოფილი.

ახმეტის გამგებლის ბექა ბაიდაურის ამერიკის შეერთებულ შტატებში და ავსტრიაში ვიზიტებზე 6 022 ლარი დაიხარჯა, რაც აღემატება უდედმამო და შეზღუდული შესაძლებლობების მქონე ბავშვების დასახმარებლად ბიუჯეტიდან მთელი წლის განმავლობაში გამოყოფილ თანხებს.

ახმეტის მუნიციპალიტეტის გამგებლის ბექა ბაიდაურის მამას საცხოვრებელი სახლის ეზოდან ავტომობილი მოპარეს.

სეტყვის საწინააღმდეგო სისტემის მართვის ცენტრის „დელტას“ ინფორმაციით, 30 აპრილიდან 2 მაისამდე ახმეტის, თელავის, სიღნაღის და გურჯაანის რაიონებში მძლავრი სეტყვასაშიში პროცესი განეიტრალდა, რისთვისაც საერთო ჯამში 130 რაკეტა გაისროლეს.

ახმეტის პოლიციის თანამშრომლებმა პარლამენტის წევრის, ახმეტა–თელავის მაჟორიტარი დეპუტატის გელა სამხარაულის ახმეტის ბიუროს თანამშრომელი ნათია ფეტვიაშვილი 2 000 ლარამდე თანხით დააჯარიმეს და დროებით ავტომანქანაც ჩამოართვეს.

ახმეტაში 500-მდე ადამიანმა პანკისში მშენებარე სალოცავის დანგრევა გააპროტესტა. აქციის მონაწილეები ხელისუფლებისგან იმ პირთა დაუყოვნებლივ დასჯას ითხოვენ, რომლებმაც სოფელ ჯოყოლოში ქრისტიანული სალოცავი დაანგრიეს. მიმართვას ალავერდელი მიტროპოლიტი დავითი, ახმეტა-თელავის მაჟორიტარი დეპუტატი გელა სამხარაული და მუნიციპალიტეტის ხელმძღვანელი პირებიც შეუერთდნენ.

დღეს, 28 აპრილს, 13:00 საათზე, ახმეტაში ბიძინა, შალვა და ელიზბარის სახელობის მშენებარე ეკლესიასთან საპროტესტო აქცია გაიმართება პანკისის ხეობის სოფელ ჯოყოლოში მშენებარე სალოცავის დანგრევასთან დაკავშირებით.

27 აპრილს, ახმეტაში, მწერალი გელა ჩარკვიანი ახალ წიგნს „ნაგერალა 2“-ს წარადგენს და მკითხველს მათთვის საინტერესო საკითხებზე ესაუბრება. ღონისძიება 15:00 საათზე დაიწყება ახმეტის კულტურის ცენტრის ბიბლიოთეკაში. დასწრება თავისუფალია.