95 წლის ასაკში, პანკისის უხუცესთა საბჭოს თავმჯდომარე სოლცა ქავთარაშვილი გარდაიცვალა.

USAID-ის პროექტი „ზრდა საქართველოში“ (Zrda Activity in Georgia) ბოსტნეულის, მარწყვისა და მწვანილის სასათბურე წარმოების განვითარების მიზნით საგრანტო კონკურსს აცხადებს. კახეთის რეგიონში პროექტის სამიზნე სოფლებია დუისი, ხალაწანი, ჯოყოლო, საკობიანო, ქვემო ალვანი, ზემო ალვანი, ომალო, მატანი, ასევე, ქალაქი ახმეტა.

ძიუდოს კლუბ „პანკისის“ დირექტორი ივერი ქავთარაშვილი ძიუდოს ფედერაციის პრეზიდენტს, დავით ქევხიშვილს მხარდაჭერას უცხადებს. ქავთარაშვილის განცხადებით. ეროვნული ნაკრების წევრების ულტიმატუმი საბოტაჟის მცდელობას ჰგავს.

ახმეტის მუნიციპალიტეტში, ხადორის ხეობაში საქართველოს პანკრატიონის ფედერაციის წევრი, ჭიდაობა გრეპლინგში მსოფლიოს ჩემპიონი, 26 წლის გრიგოლ ტყემალაძე დაიღუპა.

პანკისის ხეობაში, სოფელ დუისში თემირლან მაჩალიკაშვილის ხსოვნისადმი მიძღვნილი დოღი გაიმართა, რომელშიც მონაწილეობა მიიღეს როგორც ადგილობრივებმა, ასევე ალვნიდან, ლალისყურიდან, თიანეთიდან და უკანაფშავიდან მიწვეულმა ახალგაზრდებმა. 24-მა მხედარმა 7-კილომეტრიანი დისტანცია დაფარა, გამარჯვებული კი 15 წლის ისლამ მაჩალიკაშვილი გახდა.

ხელყუმბარაზე, რომელიც პანკისის ხეობაში ჩატარებული სპეცოპერაციის შემდეგ სახელმწიფო უსაფრთხოების სამსახურის თანამშრომლებმა თემირლან მაჩალიკაშვილის საძინებელი ოთახიდან ამოიღეს, მოკლული მაჩალიკაშვილის თითის ანაბეჭდები არ აღმოჩნდა. ადვოკატ მარიამ კუბლაშვილის განცხადებით, დაქტილოსკოპიური ექსპერტიზის დასკვნის შემდეგ აღარ არსებობს მტკიცებულება, რომ სპეცოპერაციის დროს თემირლან მაჩალიკაშვილს ხელში ხელყუმბარა ეჭირა და მისი მოქმედებაში მოყვანა უნდოდა.

29 აპრილს, პანკისის ხეობაში თემირლან მაჩალიკაშვილის ხსოვნისადმი მიძღვნილი დოღი გაიმართება. ღონისძიება 14:00 საათზე, სოფელ დუისში, მდინარე ალაზნის პირას დაიწყება. შეჯიბრში მონაწილეობა კახეთის მასშტაბით ყველა მსურველს შეუძლია.

პანკისის სალაფიტური თემის იმამი ბექხან ფარეულიძე, ხეობაში მესამე ჰიდროელექტროსადგურის მშენებლობის საკითხზე, კომპანია „ალაზანი ენერჯისთან“ და ხელისუფლების წარმომადგენლებთან წინასწარი შეთანხმების მიღწევას უარყოფს.

თემირლან მაჩალიკაშვილის ოჯახისთვის დაზარალებულის სტატუსის მინიჭება; თემირლან მაჩალიკაშვილის უდანაშაულოდ აღიარება; თემირლან მაჩალიკაშვილის მკვლელობის საქმეზე დამნაშავეთა დასჯა - ეს არის ის ძირითადი მოთხოვნები, რაც პანკისში სპეცოპერაციის შედეგად მოკლული 19 წლის თემირლან მაჩალიკაშვილის მშობლებს, ახლობლებსა და ხეობის მცხოვრებლებს ხელისუფლების მიმართ აქვთ. ისინი დღეს, პარასკევის ლოცვის შემდეგ, დუისში, თემირლან მაჩალიკაშვილის სახლში შეიკრიბნენ.

არასამთავრობო ორგანიზაცია ადამიანის უფლებების სწავლებისა და მონიტორინგის ცენტრმა (EMC) თემირლან მაჩალიკაშვილის მშობლების სახელით, სახელმწიფო უსაფრთხოების სამსახურის წინააღმდეგ, თბილისის საქალაქო სასამართლოში სარჩელი შეიტანა.