საქართველოს ახალგაზრდა იურისტთა ასოციაციამ (საია) EWMI ACCESS-ის მხარდაჭერით პანკისის ხეობაში ახალი პროექტი დაიწყო, რომლის მიზანია რადიკალიზაციისა და ძალადობრივი ექსტრემიზმის შემცირება ახალგაზრდების ჩართულობისა და გაძლიერების გზით.

ადამიანის უფლებების სწავლებისა და მონიტორინგის ცენტრმა (EMC) თემირლან მაჩალიკაშვილის სიცოცხლის ხელყოფის საქმეში 20 ძირითადი დარღვევა გამოავლინა. ეს ორგანიზაცია იცავს მაჩალიკაშვილის ოჯახის ინტერესებს. იურისტების განცხადებით, პანკისის ხეობაში სპეცოპერაცია ჩატარდა სიცოცხლის უფლების სტანდარტების დარღვევით; დარღვეულია მტკიცებულებების მოპოვების წესიც და მოხდა მათი ფაბრიკაცია; საქმის გამოძიება დღემდე ფორმალურად მიმდინარეობს და ოჯახის წევრებს დაზარალებულის სტატუსი არ აქვთ. EMC-ის განცხადებას უცვლელად გთავაზობთ:

26 დეკემბერს ერთი წელი გავიდა სახელმწიფო უსაფრთხოების სამსახურის მიერ პანკისის ხეობაში ჩატარებული სპეცოპერაციიდან, რომლის შედეგადაც ტერორიზმის ხელშეწყობის ბრალდებით 4 პირი დააკავეს, 19 წლის თემირლან მაჩალიკაშვილი კი საძინებელ ოთახში, საწოლში, სასიკვდილოდ დაჭრეს.

სირიაში, საქართველოს კიდევ ერთი მოქალაქე, 14 წლის მუხმად ფარეულიძე დაიღუპა. ფარეულიძეების ოჯახი სირიაში 2014 წელს წავიდა, მანამდე ისინი პანკისის ხეობის სოფელ ბირკიანში ცხოვრობდნენ. დღეს, დილიდან ბირკიანში ფარეულიძეების სახლში სამძიმარს იღებენ. ახლობლები ბავშვის გარდაცვალებას პაპას უსამძიმრებენ.

29 დეკემბერს, თბილისში, შარდენის 19-ში მდებარე გალერეა პანკისელი ქალების მიერ დამზადებული პროდუქტისა და ტრადიციული ხელნაკეთი ნივთების გამოფენა-გაყიდვას უმასპინძლებს.

საქართველოს პრეზიდენტმა გიორგი მარგველაშვილმა ჰუმანური იდეების დამკვიდრების, აქტიური საზოგადოებრივი და საქველმოქმედო საქმიანობისათვის, სარეზერვო ფონდიდან დაფინანსებული წარმატებული პროექტების მონაწილეები ღირსების ორდენებით დააჯილდოვა.

მარიამი მაშინ მე-10 კლასის მოსწავლე იყო. 2015 წლის აპრილის იმ დღეს იხსენებს, როცა სკოლაში მისვლისას გაიგო, რომ მისი თანატოლი, 16 წლის მუსლიმ კუშტანაშვილი და მასზე ორი წლით უფროსი, 18 წლის რამზან ბაღაკაშვილი სირიაში წავიდნენ, საბრძოლო მოქმედებებში მონაწილეობის მისაღებად. ორივე მათგანი დაიღუპა. პანკისის სათემო რადიოს მონაცემებით, სირიაში ბრძოლებს უკვე 31 პანკისელი ემსხვერპლა, 30-მდე ადამიანი კი ცხელ წერტილში დღესაც იბრძვის.

ააიპ სამოქალაქო აქტივობების ცენტრი (CCA) აცხადებს ვაკანსიას პროექტის კოორდინატორის პოზიციაზე ახმეტის მუნიციპალიტეტში. სამოქალაქო აქტივობების ცენტრის ოფისი განთავსებულია სოფელ დუისში. პროექტის კოორდინატორის სამუშაო არეალი მოიცავს პანკისის ხეობას, თუშეთს და ახმეტის მუნიციპალიტეტის დანარჩენ ტერიტორიას.

თელავში, კახეთის გუბერნატორის სათათბირო ორგანოს - უმცირესობების სამოქალაქო ჩართულობის გაუმჯობესების საბჭოს მორიგი სხდომა გაიმართა. სხდომაში მუნიციპალიტეტების ხელმძღვანელ პირებთან ერთად, სხვადასხვა სამინისტროების, უმცირესობების საკითხებზე მომუშავე არასამთავრობო ორგანიზაციებისა და უმცირესობათა ჯგუფების წარმომადგენლები ესწრებოდნენ.

სირიაში პანკისის ხეობის სოფელ ჯოყოლოს მკვიდრი, 44 წლის ადამ (გურამ) გუმაშვილი დაიღუპა. ამის შესახებ გუმაშვილის ოჯახსა და ნათესავებს გარდაცვლილის ცოლმა დღეს, დილით, სირიიდან შეატყობინა. ჯოყოლოში, გუმაშვილის ოჯახში სამძიმარს იღებენ.