18 წლის ჯამილია მაკალოვას უნდა, რომ ექთნობა შეისწავლოს. ჯამილია ჩეჩნეთიდან ლტოლვილია. მიუხედავად იმისა, რომ წლების განმავლობაში, დუისის სკოლაში რუსულ სექტორზე სწავლობდა, ქართული კარგად იცის. სკოლა წელს დაამთავრა. უმაღლესში საერთაშორისო ურთიერთობებზე აბარებდა, თუმცა ზოგადი უნარების გამოცდაში ერთი ქულა დააკლდა. ჯამილიას ახლა სწავლა პროფესიულ კოლეჯში სურს, მაგრამ პანკისელ ახალგაზრდებს პროფესიულ განათლებაზე ხელი არ მიუწვდებათ.

30 ნოემბერს, 15:00 საათზე, პანკისის ხეობის სოფელ დუისში, კულტურის სახლში გაიმართება შეხვედრა პანკისელი ახალგაზრდებისთვის პროფესიული განათლების ხელმისაწვდომობის საკითხებზე. შეხვედრის ორგანიზატორები არიან პანკისის სათემო რადიო WAY და კახეთის რეგიონული განვითარების ფონდი.

„ქართული ოცნების“ მიერ მხარდაჭერილმა საპრეზიდენტო კანდიდატმა სალომე ზურაბიშვილმა,არჩევნების მეორე ტურიპანკისის ხეობის ხუთივე საარჩევნო უბანზე მოიგო.

პანკისის სათემო რადიო WAY მწუხარებას გამოთქვამს კავკასიის ხალხთა ინტეგრაციის ფონდის პრეზიდენტის, უმარ იდიგოვის გარდაცვალების გამო და სამძიმარს უცხადებს გარდაცვლილის მეუღლეს მექა ხანგოშვილს, სიმამრს ხასო ხანგოშვილს, ოჯახის სხვა წევრებსა და ახლობლებს.

„მე ვფიქრობ, პანკისი დააფიქსირებს პროტესტს. მთელ ხეობაში ძირითადად „ოცნების“ მომხრეები იყვნენ. თემირლანის მკვლელობის შემდეგ შეიცვალა ეს ყველაფერი. მე აქ ვარ, დუისის ორივე უბანზე დავდივარ. მაინტერესებს, ქისტებიდან ვინ აწერს ხელს თემირლანის მკვლელობას, ვინ აქტიურობს „ოცნების“ სასარგებლოდ“, - ეს განცხადება პანკისის სათემო რადიოსთან ინტერვიუში, სპეცრაზმის მიერ მოკლული 19 წლის თემირლან მაჩალიკაშვილის მამამ, მალხაზ მაჩალიკაშვილმა საპრეზიდენტო არჩევნების დღეს, კენჭისყრის დასრულებამდე გააკეთა.

ახმეტის N18 საოლქო-საარჩევნო კომისიის თავმჯდომარე მინდია იუკურიძემ თანამდებობიდან გადადგომის შესახებ განცხადება დაწერა. „რეგინფოს“ ინფორმაციით, იუკურიძეს განცხადების დაწერა ცენტრალური საარჩევნო კომისიიდან დანიშნულმა კურატორმა ზაალ თათრიშვილმა მოსთხოვა.

წინასწარი მონაცემებით, პანკისის ხეობის ხუთი საარჩევნო უბნიდან ოთხში არჩევნები „ქართული ოცნების“ მხარდაჭერილმა კანდიდატმა სალომე ზურაბიშვილმა მოიგო. კენჭისყრაში მონაწილე ამომრჩეველთა უმრავლესობამ ზურაბიშვილს დაუჭირა მხარი სოფელ დუისის ორივე საარჩევნო უბანზეც, სადაც მმართველი პარტია ყველაზე ნაკლებ ხმებს ელოდა. სოფელ დუისში ცხოვრობდა 19 წლის თემირლან მაჩალიკაშვილი, რომელიც სპცეოპერაციის დროს საკუთარ საძინებელში მოკლეს.

„ქართული ოცნების“ მიერ მხარდაჭერილმა პრეზიდენტობის კანდიდატმა სალომე ზურაბიშვილმა პანკისის ხეობის სოფელ ომალოში არჩევნები წააგო.

პანკისის ხეობაში, ხადორის ჰიდროელექტროსადგურის მიმდებარე ტერიტორიაზე, ეროვნული სატყეო სააგენტოს ტყის მცველებმა, გადაშენების პირას მყოფი არჩვი მოკლეს. ბრაკონიერობის ფაქტი გარემოსდაცვითი ზედამხედველობის სამსახურის თანამშრომლებმა გამოავლინეს. ოთხი ბრაკონიერიდან სამი ტყის მცველია, მეოთხე კი ერთ-ერთი რეინჯერის შვილია. ერთ-ერთმა ბრაკონიერმა გაქცევა მოახერხა.

ოჯახის წევრებმა სირიაში 34 წლის აღაზა ბორჩაშვილის, მისი მეუღლის, 36 წლის კახა ტოხოსაშვილისა და მათი 8 წლის შვილის გარდაცვალება დაადასტურეს. ჯოყოლოსა და ბირკიანში სამძიმრის მიღება დღეს, დილიდან დაიწყეს.