ტერორისტული ორგანიზაცია „ისლამური სახელმწიფოს“ ერთ-ერთი ლიდერი, წარმოშობით პანკისელი თარხან ბათირაშვილი, იგივე აბუ ომარ ალ-შიშანი რამდენიმე დღეა, რაც მძიმე ჭრილობის გამო კლინიკური სიკვდილის მდგომარეობაშია.

სირიაში საქართველოს კიდევ ერთი მოქალაქე, პანკისის ხეობის მკვიდრი 39 წლის ვახა ბუგიევი დაიღუპა. ბუგიევი ტერორისტული დაჯგუფების რიგებში იბრძოდა.

ტერორიზმის ხელშეწყობის ბრალდებით დაკავებული, პანკისის ხეობის სოფელ ჯოყოლოს ყოფილი იმამი აიუფ ბორჩაშვილი, თბილისის საქალაქო სასამართლომ წარდგენილ ბრალდებაში სრულად ცნო დამნაშავედ და 14 წლით თავისუფლების აღკვეთა მიუსაჯა.

რა გავლენა იქონია პანკისში 2001–2002 წლებში განვითარებულმა მოვლენებმა ხეობის დღევანდელ მდგომარეობაზე? რამდენად სწორი და თანმიმდევრულია სახელმწიფოს პოლიტიკა? რა ფაქტორები უწყობს ხელს პანკისიდან სირიაში ახალგაზრდების წასვლას? პანკისის სათემო რადიო WAY-ის რეპორტიორი ისლამ გორგიშვილი პარტია „თავისუფალი დემოკრატების“ ლიდერს ირაკლი ალასანიას ესაუბრა.

„ურნების დამზადებაზე ჩვენ უკვე ტენდერი გვქონდა გამოცხადებული. რაც შეეხება მეორე საკითხს, ჯოყოლოს სტადიონის კეთილმოწყობას, ასევე, მხედველობაში მივიღეთ მოსახლეობის მიერ შემოტანილი პეტიცია და გავეცით პასუხი, რომ უახლოეს მომავალში ეს ბიუჯეტში იქნება ასახული და აუცილებლად იქნება მათი მოთხოვნა დაკმაყოფილებული“, – აცხადებს ახმეტის მუნიციპალიტეტის გამგებელი ბექა ბაიდაური პანკისის ხეობის სოფლების მოსახლეობის პეტიციებთან დაკავშირებით, რომლის განხილვაზეც თვითმმართველობამ უარი თქვა.

ჩეჩნური დიასპორის წარმომადგენელი მექა ხანგოშვილი ერთადერთია, ვინც საჯაროდ განაცხადა შინაგან საქმეთა მინისტრის მოადგილის მიერ ეთნიკური ქისტების მიმართ განხორციელებული მუქარის შესახებ. „ჭკვიანად თუ არ იქნებით, ხეობიდან აგყრითო“, – ასე მიუმართავს შს სამინისტროს მაღალჩინოსანს პანკისის ხეობის უხუცესთა საბჭოს წევრებისა და ფუნდამენტური ისლამის წარმომადგენლებისთვის, კახეთის პოლიციის მთავარი სამმართველოს შენობაში გამართულ შეხვედრაზე.

23 იანვარს ახმეტაში პოლიციის თანამშრომლებმა მამა – შვილი გოჩა გორგიშვილი და ასლან წუწაშვილი დააკავეს. „სოკარ ჯორჯიას“ ბენზინგასამართი სადგურის ვიდეოკონტროლის მიერ გადაღებული მასალიდან ჩანს, რომ მიწაზე პირქვე დაგდებულ ასლან წუწაშვილს, რომელსაც ზურგსუკან ხელებზე ბორკილები ადევს, სამართალდამცავები ფიზიკურად უსწორდებიან. შემთხვევის ადგილზე პოლიციის უფროსი ბესიკ ონიანი და მისი მოადგილეც მივიდნენ.

„ლავროვზე კომენტარის გაკეთებას არ ვაპირებ. მე ვარ პანკისის ხეობაში, ჩემთან ერთად არიან ევროკავშირის და შეერთებული შტატების ელჩები, ჩემთან ერთად ხართ თქვენ, ჟურნალისტები და თქვენი თვალით შეგიძლიათ ნახოთ, როგორი სიმშვიდეა აქ“,- საქართველოს პრეზიდენტი გიორგი მარგველაშვილი დღეს პანკისის ხეობაში ჩავიდა და სოფელ დუისში ადგილობრივებს შეხვდა. პრეზიდენტის ვიზიტს წინ უძღოდა რუსეთის საგარეო საქმეთა მინისტრის, სერგეი ლავროვის განცხადება იმის შესახებ, რომ „ისლამური სახელმწიფო“ პანკისის ხეობას ტერორისტების საწვრთნელად იყენებს.

„დღეს აქ იარაღს ღიად არავინ ატარებს, ადგილობრივი თანმხლების გარეშე უმჯობესია გარეთ არ გახვიდე“; „ახლა საქართველოდან „ისლამურ სახელმწიფოში“ წამსვლელთა ნაკადი შემცირებულია, რაც დიდწილად რუსეთის ავიაციის დარტყმების წყალობით მოხდა“; „იჩქერიის ყოფილი მომხრე უმარ იდიგოვი ახლა ამბობს, რომ რუსეთის ჩეჩნეთი ყველას მაგალითს აძლევს“; „ამერიკელები ახალწვეულებს „ისლამური სახლემწიფოს“ ტერორისტებისთვის წინააღმდეგობის გაწევაში მოამზადებენ“, – ეს ამონარიდებია რუსული ტელეკომპანია Россия 24–ის სპეციალური რეპორტაჟიდან, რომელიც ეთერში 21 თებერვალს, საღამოს გავიდა.

სირიაში კიდევ 2 პანკისელი ახალგაზრდა დაიღუპა. დადასტურებული ინფორმაციით გარდაცვლილები არიან 24 წლის რამზან ფარეულიძე, რომელიც სირიაში წასვლამდე სოფელ ბირკიანში ცხოვრობდა და სოფელ ომალოს მკვიდრი, 22 წლის მუხმად თურქოშვილი. ორივე მათგანი ტერორისტული ორგანიზაცია „ისლამური სახელმწიფოს“ რიგებში იბრძოდა. ინფორმაცია მათი გარდაცვალების შესახებ გუშინ გავრცელდა.