სირიაში საქართველოს კიდევ ერთი მოქალაქის, 35 წლის რუსლან ტოხოსაშვილის გარდაცვალება დადასტურდა. რუსლან ტოხოსაშვილი ახმეტის მუნიციპალიტეტში, პანკისის ხეობის სოფელ ომალოში ცხოვრობდა. პანკისიდან სირიაში ის 2014 წელს წავიდა და „ისლამურ სახელმწიფოს“ შეუერთდა.

„რაც შეეხება თუშეთთან დამაკავშირებელ ახალ გზას, არ შეიძლება ასეთი სტრატეგიული რეგიონი ერთი ჩიხური გზით იყოს მიბმული ქვეყნის დანარჩენ ნაწილთან. უნდა არსებობდეს მეორე, ალტერნატიული გზაც. სტრატეგიული თვალსაზრისით ეს ძალიან მნიშვნელოვანი საკითხია. დიდ სტიმულს მისცემს „დეპრესიული სოფლების“ გამოცოცხლებას თუშეთში და ხელს შეუწყობს პანკისის ხეობასაც“, - აცხადებს თუშეთის გენერალური განვითარების გეგმის პროექტის ხელმძღვანელი, არქიტექტორი გია აბულაძე „მთის ამბებთან“ ექსკლუზიურ ინტერვიუში.

„ჩვენ მას პანკისის სიცოცხლის გზა დავარქვით, რადგანაც ეს იქნებოდა პანკისისთვის ახალი სიცოცხლის გახსნა. ჩიხურ მდგომარეობაში მყოფი ხეობისთვის, რომელზეც უკანასკნელ პერიოდში ძალიან ბევრს საუბრობენ, რომ უამრავი პრობლემაა. ამ პროექტის ჩავარდნა არის უდიდესი დარტყმა პანკისის ხეობის მოსახლეობისთვის, რადგანაც განვითარების, პროგრესის ყველანაირი პერსპექტივა შეჩერებულ იქნა. პროექტის ჩავარდნის მესვეურებს მინდა ვუთხრა, რომ მათ ფაქტობრივად გაწირეს ქისტი მოსახლეობა“, - განაცხადა პანკისის უხუცესთა კავშირის წევრმა, ისტორიკოსმა ზაურ გუმაშვილმა პანკისის სათემო რადიო WAY-ს ეთერში, გადაცემაში „მე და სახელმწიფო“.

23 თებერვალი საბჭოთა რეჟიმის მიერ ჩეჩენი და ინგუში ხალხის დეპორტაციის დღეა. 75 წლის წინ, 1944 წლის 23 თებერვალს, იოსებ სტალინის განკარგულებით, დაახლოებით ნახევარი მილიონი ჩეჩენი და ინგუში მოსახლეობის შუა აზიაში - ყაზახეთში, ყირგიზეთსა და ციმბირის ტაიგაში გადასახლების პროცესი დაიწყო.