პანკისის ხეობაში ძიუდოს საერთაშორისო ტურნირების ჩატარება იგეგმება – ამის შესახებ პანკისის სათემო რადიო WAY–ს საქართველოს სპორტისა და ახალგაზრდობის საქმეთა მინისტრმა ტარიელ ხეჩიკაშვილმა განუცხადა. მისივე თქმით, ძიუდოს პოპულარიზაციის მიზნით, საბავშო ბაღებში პროექტი საბავშო ძიუდო განხორციელდება.

პანკისის ხეობის ახალგაზრდული კლუბის წევრები გარემოსა და ბუნებრივი რესურსების დაცვის მინისტრს, გიგლა აგულაშვილს შეხვდნენ. მინისტრმა პანკისელ ახალგაზრდებს გარემოსდაცვითი ინფორმაციისა და განათლების ცენტრში უმასპინძლა.

არაფორმალური საგანმანათლებლო პროგრამის – მრავალფეროვნების სკოლის ფარგლებში, 15 მარტს, 15:00 საათზე, დუისში, პანკისის სათემო რადიო WAY-ს ოფისში ახალგაზრდებთან შეხვედრა გაიმართება.

პანკისის ხეობაში წინწალაშვილებსა და ტოხოსაშვილებს შორის არსებული დაპირისპირება შერიგებით დასრულდა. ამის შესახებ პანკისის სათემო რადიოს უხუცესთა საბჭოს წევრმა ხასო ხანგოშვილმა განუცხადა.

საქართველოს კულტურისა და ძეგლთა დაცვის სამინისტრომ საგრანტო კონკურსი გამოაცხადა თბილისსა და რეგიონებში ეთნიკურ უმცირესობათა შემოქმედებითი აქტივობების (გამოფენა, კონცერტი, საღამო) ხელშეწყობის მიზნით. პროექტის ბიუჯეტი არ უნდა აღემატებოდეს 8 000 ლარს.